أجابت ازهار دون أن تفكر
في الأرض اه كنت بشتغل في الأرض مع ابويا
قام ماجد واقفا ونظر لها نظرة تفحصية مريبة وقال لها وهو يضع فنجان قهوه:
تمام خلصي قهوتك و رتبي المطبخ وحصلني علي تحت و تركها دون أن يتفوه باي كلمة
خفق قلب ازهار وشعرت أنه لم يصدقها وبدأت توبخ نفسها بصوت مسموع
-وانتي خلاص يا غيبة خلصت كل شغلانات ملاقتيش غير. الارض اللي اشتغلتي فيها ما هو لازم ميصدقش غبية غبية. غير أن لهجتي فعلا مش لهجة واحده عاشت عمرها في الصعيد يعني كان عاوزني أقوله أن طول عمري متربيه في مدارس راهبيات كنا مش بنتكلم ولا كلمة عربي ولا أقوله أن انا معيده في كلية لغات و الترجمة
وفجأة وجدت يد صغيرة تجذب ملابسها من الخلف وهي تبتسم
انخفض ازهار لمستوي الطفله قبلتها بحب وقالت :
اميرتي صغنونه صحيت فين صباح الخير بتاعتي
ابتسمت الطفله وقالت:
صباح الخير انتي كنتي بتكلمي نفسك يا زوزو
ضحكت ازهار وقالت وهي تحملها وتتجه بها نحو الحمام
اه يا روكا انا بحب اكلم نفسي اعمل ايه بقا معنديش حد اتكلم معاه
قالت رقيه بمرح:
-خلاص بقا انتي بقيتي صحبتي يعني تتكلمي معايا انا يا زوز مش مع نفسك
ضحكت ازهار وقالت
-ماشي يا ست روكا اتكلم معاكي انتي بس دلوقتي نغسل وشنا و نتوضا علشان نصلي
قالت رقية بصوت منخفض:
-بس انا مش بعرف اصلي
حضتنها ازهار وقالت:
-انا هعلمك يا روكا
علمتها ازهار كيفيه الوضوء و بدلت لها ملابسها وبدأت تعلمها كيفه تصلي
وفي الاسفل استشاط ماجد من تأخير ازهار عليه فاهي تاخرت بالفعل عليه صعد لاعلي وبداخله غضب شديد فتح الباب و لكنه وقف مكانه دون أي حركة عندما وجد ازهار وهي تعلم رقيه الصلاة دخل دون أن يراه أحدا منهما
وبعد أن ففرغا من تأدية الصلاه حملت ازهار رقيه وقالت لها
يلا بقا علشان افطرك وانزل علشان اتاخرت قوي تلاقي بباكي دلوقتي قلب بقي شبه التنين بيطلع نار من بوقه
ضحكت رقيه ضحكة رنت في كل أرجاء المكان خفق معاها قلب ماجد الذي لم يسمع ضحكت ابنه من زمن
نظر من طرف عينه و جد ازهار قد اجلست رقيه فوق رخامة المطبخ و هي تناولها كوب اللبن
وتعد لنفسها كوب اخر من القهوة
أدرك أنها تعشق القهوة انسحب بهدوء دون أن يشعر به أحد وتسلل لاسفل ووجد أن الموظفين بداو بلحضور
دخلت لارا بتعاليها المعتاد ولكنها وقفت مكانها وهي تشهق باستغراب وقالت :
-اده يا ماجد انت مش واخد بالك انك (Sportswear)
ملابس الرياضه
نظر ماجد لنفسة وكأنه نسي اصلا أنه نزل بلتنرنج علي أساس أنه سوف يعلم ازهار ما ستفعل ثم يصعد يبدل ملابسه
التفت لها وقال وكأنه غير مبالي:
– و ايه مشكلة في كده مش فاهم نزلت اجري شوية و رجعت علي معاد المكتب قلت افتح و اطلع اغير ايه مشكلة
قالت لارا بعجرفه:
مشكلة طبعا افرض حد من العملاء جيه بدري بشوفك كده يقول علينا ايه
التفت ليها ماجد وقال
ياسلام وفيها ايه هما نفسهم بيجوا كده ايه مشكلتك انا مش فاهم وتركها وصعد لاعلي
دخل وجد رقيه مازالت جالسة علي رخامة المطبخ وتاكل بنهم فطورها
دخل عليهم ووجه حديثه لازهار بحده مصطنعة:
-كل ده بتشربي قهوتك ده لو سافرتي البرازيل تجيبي بن كان زمانك نزلتي
ارتبكت ازهار وقالت:
-معلش كنت بفطر رقيه وخلاص خلصنا هقعدها بس تلعب ونزله
ماجد وهو يتجه نحو غرفه النوم
-تمام هغير علي ما تجهزي
فتحت ازهار حقيبتها وأخرجت بنطال من الجينز وعليه بلوزة طويلة الأكمام وللاسف كانت من اغلي الماركات فاهي ليس لديها ما تعمل بيه و أخرجت طرحة بنفس درجة البلوزة وكانت في منتهي الجمال فجمالها كان ساحر بدون اي مساحيق تجميل فاهي بيضاء اللون صافية البشرة عينها بلون البحر
خرج ماجد من غرفته و توقف مكانه بقد ابهرته بجمالها الهادئ
قال لها وهو يحاول الا ينظر لها:
-ها جاهزة يلا علشان ضيعنا وقت كتير قوي هنا
هزت راسها ومشت امامة
دخل ماجد المكتب و رآه ازهار
لفتت انتباه لارا دخول ازهار مع ماجد قامت واقفة واتجهت نحوهم وعينها علي ازهار وقالت بسخريه:
-هي البت دي هنا بتعمل ايه مش امبارح كانت عاملة فيها ميته
ارتبكت ازهار وقالت :
-بعتذر منك كنت مرهقة امبارح قوي
لارا وهي تفحصها من أعلي لاسفل بدقة
-ودلوقتي ارتحتي
قال ماجد مقاطعا كلامها :
-جري ايه يا لارا هو تحقيق انا خلاص عينت ازهار مدبرة المكتب
قال لارا وهي تعبث بشعرها :
-امممم والله كويس طلما انت شايف انها تنفع يبقي خلاص انت ادري
ثم التفت نحو ازهار وقالت
و لبسك الغالي قوي ده سرقاه من أنه بيت يا تري
وفجاءة وجدت صوت هز اركان مكان لدرجة لفت نظر الموظفين
لارااااااااااااااااااال