فا قال ساخراً منها:-..حياتك مُهمة حالياً…فا أكيد مش هسمّمك دلوقتي.
عقدت حواجبها بإرتباك وضيق، وأخذت منه كوب العصير بعد تردد.
رفعت رأسها لتنظر له، ولقته ينظر لها وشاور بعينه على الكوب…خافت أكتر،ولكنها رفعت الكوب ببطء وبدأت تشرب منه بخفة، ومن طعمه إنه عصير فروالة والسكر فيه خفيف.
تحدث أخيراً وهو يضع يده في جيب بنطاله الأسود الكاجوال:
_أكيد حاسة بالملل في الأوضة…وقولت مفيش ضرر لو خرجتي شوية.
نظرت له مُجددا،وهنا تجمّعت اادموع في عينها قائلة بنبرة مهزوزة:- ا إنت مين؟..و وعايز إيه م….
قاطعها وهو يضع سبابته أمام أنفه قائلا :- شُشش..إهدي،هتعيطي ولا إيه؟
لم تتحمل وتساقطت دمعة من عينها بالفعل، أما هو إبتسم وإقترب منها خطوة قطعت المسافة بينهم، ورفع يده ناحية خدها، لكنها إتفزعت وظنت بأنه سيضربها، فا عادت خطوة للخلف وهي تنظر له بخوف وتضم يديها ناحية صد.رها.
سمعت ضحكة خفيفة وغليظة خارجة من أسفل كمامته، وإقترب منها واضعاً يده على خدها وهو يمسح أثر الدمعة قائلا :- متقلقيش…هتعرفي كُل حاجة،بس لما الشارة ترجعلي.
شهقت بضع شهقات خفيفة وهي تزداد في البكاء قائلة برجاء:- ب بس أنا مش معايا شارة…و..ومعرفش هي فين أصلاً.