شعرت بأنها رأته من قبل لكن أين؟ وقبل أن تحاول التذكر، فقدت الوعي فوراُ غير مُستوعبة ما يحدث حولها.
_________
إستيقظت بعد فترة ونظرت حولها ببطيء وتعب…وجدت نفسها على السرير وفي غرفتها..
قدرت تفتح عينها شوية كمان لتجده جالس على الكرسي المُقابل للسرير ومازال بكمامته ويرتدي قبعته السوداء.
كانت متغطية ولم يظهر شيئا من جسدها غير رأسها…حركت عدستيها بتعب ناحيته قائلة بصوت يرتجف من البرد:- ك كُنت…ع..عايز تقتلني؟
إبتسم بسخرية قائلا :- أنا لو عايز أقتلك مش هتردد للحظة…
وأعاد ظهره للخلف قائلا بنفس نبرته السابقة:-كُنت عايز أشوف هتوصلي لفين.
قطبت حاجبيها بضيق وكره قائلة :-أنا كُنت هموت.
رد عليها ببرود:-مش مُهم..دا قدرك.
قالت بعصبية وصوت ضعيف:- ما أنا لو مُت مش هتعرف مكان الشارة.
فجأة،إتخضت عندما إقترب منها ومال عليها واضعاً يديه حواليها بجانب رأسها
وتحدث ووجهه أمام وجهها بنبرة هادئة ولكن خلفها تهديد وحدة:
_ ما في الحالتين هتموتي…لو قولتي مقولتيش هتموتي…بس حالياً مش هسمحلك تموتي غير لما تقوليلي مكان الشارة.
إبتلعت ريقها، وقفلت عينها بخوف وصدرها يضيق وتشعر بالبكاء.
إبتعد عنها وجلس مكانه على الكرسي مُجدداً وهو ينظر لها بجمود غريب.