قال قاسم بصوت عالي وغاضب:
_إظهر يا شيطان.
صمت لثواني، وبعدها رد آريان بسخرية وبنبرة صوته العميقة:
_شيطان؟…كسرت قلبي، لما أنا ابقى شيطان يبقى إنت إيه؟
رد قاسم بعصبية:
_إنت فاكرني زيك؟…أنا بدافع عن بلدي ومش بقتل مواطنين أبرياء.
_طريقة كلامك غريبة…وغبية في نفس الوقت، رغم إن العيلة الإيطالية متقربلكش بصلة إلا إنك جيت تساعدها.
نظر قاسم حوله وقال:
_إظهر.
قال آريان:
_مشتاق تشوفني؟…خلينا كدا أحسن، عايز اتكلم مع أخويا بأريحية.
رد قاسم بغضب:
_أنا مش أخوك…إنت فاهم؟
ضحك آريان بخفة وقال بسخرية:
_إسأل هارون وهو يجاوبك.
قال قاسم بحده:
_إنطق إسمه بإحترام يا مُجر….
فجأة توقف قاسم عن النطق عندما شعر بأنفاس ثقيلة بجابه وصوت مًخيف قائلا :
_تؤ…مش مُجرم…شيطان يا قاسم.
لف قاسم حوله وهو يرفع السلاح في كُل الإتجاهات وقال:
_إظهر، وسلم نفسك.
ضحك آريات بخفة وقال:
_أظن إن القبض على شبح شيء صعب شوية!…ولا إيه يا حضرة الرائد؟
سكت قاسم وهو يحاول تحديد مكان الصوت ولكن لم يستطيع…
فقال آريان بتهكم:
_صحيح!..لقيت ليلى؟
إتصدم قاسم ورد بعد ثواني:
_إنت إل خطفتها؟
فجأة سمع صوت يهمس في أذنه بشكل مُرعب:
_تؤ، قتلتها.
ضرب قاسم في الهواء ولكنه لم يستطيع إصابته، وإتعصب أكتر وهو بيتحرك ناحية الحائط ليفتح القابس، وبالفعل وجده بعد دقيقة…وأشغل الأنوار…