رواية احتواء الفصل الثاني 2 والاخير بقلم سلسبيل احمد – للقراءة المباشرة والتحميل pdf
بالنسبالك انت بقا يا محمد.. فا اظن ان انت اكتر واحد عارف تعبت قد ايه عشان ليلى.. يبقي تحافظ عليها ومتزعلهاش وتحتويها علطول.. متخلوش الزعل يفرق بينكم اتعاتبوا علطول واياك حد فيكم يخبي على التاني!! متخلوش الزعل يبقي جبل ويسد بينكم العلاقة!
محمد باس ايده ودماغه: معاك حق يا بابا.. وانا كنت غلطان وعمري ما هكرر ده تاني
عبدالله بتهديد: والمره الجاية لو حصل مش هخليك تعرف مكانا احنا التلاتة
” وبعد لما قعدوا سوا محمد خد ليلى ونزلوا ركبوا العربية و طول الطريق ليلى بصاله ”
– عمرك ما حكيت لي عن الموضوع ده يعني
= كانت فترة وحشه في حياتي.. كنت حاسس انك هتضيعي مني.. وان ابوكي عمره ما هيوافق..
– انا بحبك يا محمد..
” ابتسم لها ومسك الدركسيون بأيد واحده وباس ايدها بايده التانيه ”
= وانا والله بموت فيكي..
” وفي نهاية الحدوتة.. انا ومحمد كملنا حياتنا في هدوء وحب.. وتفاهم و موده.. كان بيحتويني علطول.. وهو الطرف الى بيصالح اغلب الوقت.. وبعد شوية شهور.. اتفاجئنا بضيف جديد هيشرف.. وهيجي ينور عيلتنا الصغيره..♥︎ ”
تمت.. طبعا انا عارفه انكم كنتوا فاكرين الرواية كبيرة بس انا بكتب رواية تانيه هتبقي كبيرة و هتبقي عائلية وكمان فيها مفاجأت كتير.. بس اتمني تفاعل الصفحه يتظبط الأول عشان ابدء انزلها.. وهستني رأيكم في القصة دي.. وكل الحب ليكم بجد.