مشى معها ومروا على طريق مشاه يطل عالبحر وحوالينه تلال خضراء واطفال يلعبون وعائلات المنظر كان مريح للعين العنود لاشعورياً حاوطت خصر فارس بذراعها اليسار ويدها اليمين على صدره وهو فرح كثير على حركتها ولف ذراعه على كتوفها وقربها له
العنود : وااو ياليت اعيش هنا للأبد
فارس : لسى تونا فالبدايه ماشفتي شيء
رفعت راسها اللي كان على صدره وناظرته : وش تنتظر خلنا نكمل جولتنا (مسكت يده بيدينها الثنتين وسحبته معها اما هو كان مستمتع على حماسها)
العنود : فروس شوف القارب يجنن يشبه اللي بالأفلام الصينيه بليز خلنا ناخذ جوله عليه
فارس : ما عندي مانع
نطت العنود وحضنته : شكككراً
بادلها الحضن ثم توجهوا للقارب وهم ماسكين يد بعض ، دفع فارس حق الجوله بالقارب وركبوا العنود وقفت وصارت تتأمل جمال الطبيعه حوالينها والهواء يطير خصلات من شعرها اللي تمردت على الربطه وقف جنبها فارس ولف ذراعه على كتوفها وهي ميلت راسها لصدره وحوطت خصره بذراعها
العنود : الجو يجنن والمكان كأنه لوحه فنيه سبحان الله
فارس ابتسم وهو يناظر المكان : انتي مبسوطه ؟
شدت عليه بحضنها : حييل مبسوطه
شافوا العجله الدواره وملعب فوق الماء وشافوا معالم كثيره من سنغافورة وبعد ماخلصوا جولة القارب تمشوا شوي واشترى فارس آيس كريم شوكولاته له وفراوله للعنود
العنود بحماس : فروس شوف هالباص نفس اللي بأمريكا ولندن خلنا نركبه وناخذ جوله اكثر بالمكان
كان الباص احمر طابقين الطابق العلوي مكشوف صعدت معه وركبوا فوق ولفوا المكان كله لحد ماتوقفوا قريب من كافيه ونزلوا يشربون شيء دافئ لان الجو كان شوي بارد كانوا مبسوطين لدرجه انهم مالاحظوا الشخص اللي يراقبهم طول الوقت من الفندق لحد الكافيه