في سنغافورة
دخلت العنود تصحيه لصلاه وقفت عند راسه تناظره وهو نايم كان ودييع حييل
تكلم نفسها : يعني صحيح انه وقح ولئيم لكن مااقدر انكر انه وسيم (قربت منه بشويش وصارت تلمس وجهه بأناملها لكن قطع عليها تأملها لما تحرك فارس بإنزعاج)
بعدت عنه على طول وهزته : فارس فاارس قووم اذن العصر قووم فارس
فارس بملل : طيب خلااص صحيت
العنود : صل وانا بصلي واستناك بالصاله لا تنسى انك بطلعني
فارس بنعاس : طيب مانسيت (قام عن السرير وراح يتوضى ويصلي)
العنود صلت وبدلت ملابسها ولبست فستان ناعم مشجر وردي طويل واكمامه طويله وله ربطه عند الخصر وربطت شعرها ذيل حصان وحطت مكياج خفيف ، دخلت عليه لقته يسكر ازرار قميصه
العنود : يالله فارس قربت الشمس تغيب
فارس : هذاني خلصت بس اسكر قميصي
جت عند وشالت يده وصارت تسكر له ازرار قميصه وهو يناظر فيها مبتسم
العنود بحماس : خلصت يالله نمشي (مسكت يده وسحبته معها)
فارس : وش الاماكن اللي تحبينها ؟
العنود تعلقت بذراعه : اول شيء خلنا نروح لمطعم ميته جوع
فارس : طيب (نزلوا تحت وركبوا تاكسي وبعد بحث لقوا مطعم شكله حلو)
نزلوا المطعم كانت العنود متعلقه بذراع فارس ومبهوره بالمكان بعدها جلسوا وطلبوا اكل
العنود : وااو ماتوقعت سنغافوره حلوه
فارس : سنغافورة دوله صناعيه وعندها الإمكانيه على الاهتمام بالسياحة
العنود : تعرف اماكن سياحيه هنا !!؟
فارس : ايه قبل اجي هنا بحثت عن اماكن وغير كذا سألت زملائي اللي لهم خبره وقالوا لي
العنود : برافوو عليك بعد مانأكل خلنا نروح لاحلى مكان هنا
ابتسم لها بحب : طيب يالدلوعه
خلصوا اكل وطلعوا لمكان اسمه (الميرليون بارك) اول ما نزلوا لقوا بوجههم تمثال كبير على شكل اسد ويطلع من فمه ماء
شبك اصابعه بأصابع العنود : ها كيف عجبك المكان ؟
شدت على يده : ايه فروس يجنن خلنا ندخل داخل