عند امريكا
كانت نور تتابع الاخبار ودموعها ماوقفت تدعي ربي انه يحمي العنود ويسامحها على اللي سوته ماكان لازم تضحي بصديقتها حاولت بكل الطرق انها توصل لعبدالله او العنود كان ممكن انها تدارك الوضع وتصلح الغلط اللي سوته لكن كل التواصل اللي بينها وبين العنود انقطع تماماً ماقدرت توصل لها ابد حتى حساباتها بالسوشل ميديا كلها مقفوله
عند سنغافورة
حاولت الشرطه تدخل لكن عبدالله صرخ فيهم انه راح يذبح العنود وفارس ، حاول زياد يتفاهم معها بكل الطرق لكن عبدالله كان بحالة هستيريه وعصابته محاوطينه مما منع الشرطه انها توصل له
عبدالله : انا قايلك انها لي وراح استرجعها منك
فارس : مراح تاخذها مني الا على موتي (الشرطه وزياد كانوا بعيد ماسمعوا الحوار)
عبدالله : اجل راح تموت والعنود ترجع لي
صرخت العنود : لا لا عبدالله بليييز راح اروح معك بس لا تذبحه
فارس انقهر منها : انطمي انتي واطلعي منها
وقفت وراحت له ركض : فارس اعقل احنا مو في موقف ….
قاطع حديثهم صوت رصاصه اطلقها عبدالله بالهواء ، خافت العنود ولزقت بكتف فارس واثناء ماهم يتكلمون تسلل افراد من الشرطه بلحظة غفله من العصابه وقدروا يسيطرون لكن واحد من العصابه انتبه واطلق نار على الشرطي
عبدالله بصراخ : لا تسمحون لهم يقربون (وصار المكان فوضى وطلق نار بين عصابة عبدالله ورجال الشرطه)
الشرطي : you have to move away
زياد : ok (ابتعد زياد عن المكان حفاظاً على سلامته)
ضمها فارس وهو يهديها : لا تخافين انا معك مراح اخلي احد يلمسك لو على موتي
ضمته اكثر : فارس انا خايفه عليك اكثر من نفسي
عبدالله انقهر حيل لما شافهم وماتردد هالمره وجه السلاح ناحية راس العنود وضغط على الزناد لكن فارس كان اسرع منه وانتبه له لف العنود بسرعه وجت الطلقه فيه
صرخت العنود : فاااارس
كان طايح عليها بثقله وهو ضامها لصدره فارس كان يحاول يقول لها شيء بس ماقدر
فارس بتعب : ا ا ا ….. (طاح عالارض وغاب عن الوعي)
العنود : فارس فااارس رد علي فااااارس
حضنته وهي تصرخ وتبكي كان المكان حولها جثث وريحة بارود مع دم بدت العنود تحس بكتمه ، داهموا الشرطه المكان بعد ماصارت مجزره داخل مات فيهاا 2 من رجال عبدالله وتصوب 4 من رجال الشرطه اما عبدالله مات بأثر رصاصه طايشه من احد رجال عصابته لما داهموا باقي افراد الشرطه المكان وفارس كان ممدد عالارض والعنود حاضنته وتبكي ، زياد على طول اسعف اخوه مع الشرطه حسب خبرتهم وشال اخوه وطيران عالمستشفى والعنود معهم اما باقي دوريات الشرطه كملوا شغلهم والاجراءات اللازمه