بيت ابو فارس (عبدالرحمن)
كانوا كلهم مجتمعين بالصاله وهم على نار ينتظرون اتصال من زياد وقطع انتظارهم صوت الجوال
ابو فارس (عبدالرحمن) : الو زيااد !!!
زياد : هلا يبه ايه معك زياد
ابو فارس : وينك اشغلتنا عليك من الصبح ؟؟؟
زياد : معليش يبه اعذرني جوالي …(سكت يفكر بكذبه) : اااءء انكسر
ابو فارس : يفداك الجوال المهم انت طمني عنك وعن اخوك وينه لقيتوه عساه طيب ؟؟؟
زياد سكت لان العبره خنقته وماقدر يتكلم وهالشيء زاد رعب ابو فارس
ابو فارس : زياد وراك سكت اخوك فيه شيء ؟؟؟؟
(ام فارس خافت واشرت له يعطيها الجوال وهو رفض)
زياد : يبه ف .. فارس
ابو فارس بصراخ : تكللللم اخوك فيه شيء
(التموا الكل حول ابوهم وهم ميتين خوف على فارس)
زياد : يبه فارس تصوب وهو حالياً بغيبوبه (ابو فارس اختل توازنه وسنده محمد) .. محمد بخوف : يبه بسم الله عليك وش فيك ؟
زياد بخوف : يبه ييبه رد علي !!!
رد محمد : زياد وش صار وش اللي صدم ابوي ؟ فارس فيه شيء ؟؟!
زياد بقلق : طمني عن ابوي عسى ماصار له شيء
محمد : هبط ضغطه شوي علمني انت وش قايل له فارس وش فيه ؟؟؟
بلغه زياد وانتشر خبر اصابه فارس ودخوله بغيبوبه ، عائله فارس حزموا الامر بأنهم راح يسافرون لولدهم وكذلك ابو العنود وامها وفي خلال ثلاث ايام صاروا العائله بسنغافورة