في سنغافورة
ربطوا فارس بأمر من عبدالله ودخل عليه واحد من رجال العصابه حط جوال بإذن فارس
فارس : من انت يااكلب
عبدالله وهو يضحك : شدعوه مداك تنسى صوتي !!
فارس بعصبيه : عبدالله !!!
عبدالله : عليك نور ، مو قلت لك راح استرجع حبي منك
فارس بصراخ : وين العنود وين اخذتها يالحقييير
عبدالله ببرود : عندي ، ممتلكاتي ورجعت لي
فارس بصراخ : تخسي ماهي لك ولا عمرها راح تكون لك العنود زوجتي و ….. (سد الخط بوجه فارس ، كان يبغى يحرق اعصابه وفعلاً نجح بهالشيء لكن ماكان وضعه احسن منه العنود كانت تصارخ كل مايقرب منها او حتى يتكلم معها رغبه قويه تجتاحه بأنه يذبح فارس وتصير العنود ملكه لحاله)
بيت ابو فارس (عبدالرحمن)
ام فارس طول اليوم تبكي ومافارقت سجادتها تدعي ان الله يحفظ لها ولدها ويرجع سالم وخواته ماكانوا افضل حال ريم ماصارت تروح للمدرسه ومريم نفس الشيء مع الجامعه لان الوضع اللي هم فيه مزري كانوا دايم البنات يسألونهم بحماس عن قصة خطف اخوهم متجاهلين قلوبهم المحروقه عليه
في سنغافورة
العنود ضامه رجلينها لصدرها وتبكي بحرقه رفضت تأكل او تتكلم مع عبدالله واي احد من الخدم يقرب لها تصرخ حتى لو بغرض المساعده ، عبدالله تعب حيل معها لكن ماهو قادر يأذيها يحبها بجنوون ويعاملها مثل الاطفال لكن هي دايم تصده وتنادي بأسم فارس وهذا اللي حرق قلبه وزاد حقده على فارس ، فارس كان يحس داخله براكين بتنفجر من القهر طول الوقت يحاول بإستماته انه يحرر نفسه ويطلع من هالمكان صارخ لحد ماانقطع صوته وماجاه اي رد ومحد من العصابه دخل عليه ، لما حل الظلام دخلوا اربعه من رجال عبدالله وفكوا الحبل اللي رابطينه على يديه ورجليه وحطوا قدامه اكل حاول يهجم عليهم لكن اشهروا اسلحتهم بوجهه
الخادم : مو من صالحك تهاجمنا ك….
قاطعه بعصبيه : زعيمكم الجبان ليش مايجي هنا ؟؟!!
الخادم : راح يجي بالوقت المناسب
صرخ عليه : مممتتتتتى ؟؟؟؟
الخادم مارد عليه وطلع تاركه على نيران خايف على العنود وبنفس الوقت وده يذبحها لانها سبب كل هاللي يصير
فارس يكلم نفسه : كله منها الخاينه والله مااتركها تتهنى لو تموت ماطلقتها