ارض الوطن
مقر شغل فارس
زياد : كيف يعني ؟؟!
المدير : الشرطه منتشرة بأنحاء سنغافورة ومراح يوقفون لحد مايلقون فارس وزوجته
فارس بن راشد : كيف صار كذا انتو مو بفندق واحد ؟؟
المدير : ايه نعم وهذا اللي بيجننا كيف اختفوا من غير لا احد يحس ؟!!
زياد : ماصار شيء غريب بالفندق وقت اختفائهم ؟؟
المدير : سألنا إدارة الفندق وقالوا باليوم اللي اختفوا فيه فارس كان حاجز حديقة الفندق لكن مالقينا بحسابه البنك عملية سحب المبلغ
زياد : غريب !!!
المدير : تطمن اخ زياد سلامة فارس مهمه عندنا ومراح نستسلم لحد مانلقاه
زياد : اذا وصل لكم اي اخبار بلغونا على طوول
في سنغافورة
الشرطه كانت تبحث بكل مكان وحطوا ملصق على الجدران وعليه صوره لفارس والعنود ، حتى ان الموضوع وصل للاعلام بالذات ان فارس والعنود من عائله كبيره ومعروفه وماكان الوضع عند العائله طبيعي ابد كانوا بحالة هستيريه
بيت ابو العنود (علي)
ام العنود وهي تبكي : قلت لك من الاول قلبي مو مرتاح لهالسفره
ابو العنود : اهدي وتعوذي من ابليس وادعي ان الله يردهم بالسلامه شرطة سنغافورة قويه وان شاءالله يلقونهم
ام العنود وسط بكاها : يارب يارب رد لي بنتي سالمه (ابو العنود ماكان اقل خوفاً من ام العنود لكن كان لازم يقوي نفسه)