عند عبدالله
عبدالله بالتلفون : كيف ضيعته ياغبي ؟!
الخادم : اختفى فجاءه بالحديقه وماني لاقيه بأي مكان
عبدالله : دور عليه ولاحقه لحد مايوصل للفندق وانتبه يكشفك ولا ترى بيكون اليوم اخر يوم بحياتك
خاف الخادم وكثف البحث عن فارس والعنود ، اما عصافير الحب كانوا شابكين اصابعهم ويتمشون بين الاشجار ويستنشقون اكسجين نقي بعدها توقفوا عند مطعم بالحديقه كانت ديكوراته بسيطه وحلوه عجبت العنود كثير جلسوا وطلبوا لهم اكل وبعد مااكلوا تمشوا شوي ورجعوا ابكر من كل مره يطلعون فيها بسبب ان المكان كان بعيد ، اول ماوصلوا تمددوا على طول وناموا من طول الرحله والتعب
ارض الوطن
بيت الجد فارس
ابو فارس بن راشد : ماادري يبه لكن يمكن تلقاها عند اخوانه
الجد فارس : اجل وانا ابوك اتصل على احد منهم وخله يجيني
ابو فارس بن راشد : ابشر يبه
دخلوا عليهم الشباب : السلام عليكم
ابو فارس وابوه : وعليكم السلام
باسوا راس جدهم وسلموا على عمهم : كيف الحال ياجدي ؟
الجد فارس : الحمدلله بخير ، وراكم جايين سوا ؟!
بدر : طالعيين للإستراحه وقلنا نمر نسلم عليك
خالد بمزح : الا جدي ماودك تجي معنا هناك طرب يعدل المزاج (ويغمز)
ضربه على راسه بالعكاز : ايا قليل الحياء
ماجد : ههههههههههههههه افا افا (فطسوا الشباب ضحك على جدهم)
ابو فارس بن راشد وهو يضحك : المهم لا تبطون بكره عندنا غداء
علي : منهو له ؟؟
الجد فارس : صديقاً لي جاي من سفر وابغى اقوم بواجبه