رجع من الشغل ولقاها بمكانها المعتاد البلكونه وتشرب نسكافيه كانت ريحة القهوه ماليه المكان ابتسم فارس واتجه لها
فارس : جوك عليل
لفت له وابتسمت : اهلين ، تبغى اسوي لك واحد ؟
جلس جنبها : ابغى اذوقه اول اذا حلو سوي لي
العنود : كوبي مر صراحه لاني احب النسكافيه مر
فارس : بذوق (قرب منها حيل)
العنود توترت : ف ف فارس الكوب ت..(قاطعها بقبله عميييقه)
فارس : يم يم النسكافيه حلو حييل كيف تقولين مر ؟!
طقته بالخفيف على كتفه وهو ضحك عليها
فارس : حددتي مكان نروح له ؟
العنود : يب ، بنروح فورت كانينغ بارك حديقه رهيييبه
فارس : حلو اجل بنام وبعد الصلاه نمشي (باس خدها ودخل ينام)
ارض الوطن
بيت ابو العنود (علي)
ابو العنود : توها الظهر متصله والحمدلله بخير
ام العنود : انا عارفه حتى صوتها ماشاءالله باين انها سعيده لكن قلبي ماهو مرتاح ابد
بدأ الخوف يسري إلى قلب ابو العنود لكن فضل انه يخفيه ويهدي من قلق وخوف ام العنود ، اما العنود بهالوقت كانت تسولف مع بنت خالتها واختها وصديقة عمرها بالجوال
اماني : لا ما اصدق هذي العنود اللي دخلت دوامة اكتئاب قبل عرسها
العنود : والله ماادري وش صار لي يااماني لكن فارس تغير حيل
اماني : الله يسعدك يارب انتي تستاهلين كل خير
العنود : ويسعدك يارب ، إلا بسألك شخبار خالتي وامول وفهود ونصور ؟
اماني : الحمدلله كلهم بخير ، عنوده لا تنسين تصورين لي الحديقه
العنود : اكيييد افا عليك اشتريت امس كاميرة وراح اصور كل شيء لان جوالي بينفجر صور