عائله ابو فارس (راشد)
الجد فارس : بتمشون من الحين والعرس فالليل !!!
ديمه : ايه ياجدي احنا ندخل الصالون الساعه 10الصبح ومانطلع الا فالليل
بدر : اجل العروس متى تطلع ؟؟
ام فارس : العروس آخر وحده تطلع وبعدين انت وش لك بأمور الحريم ؟
محمد : بتروحون كلكم مع بعض والا بنات عمي بروحهم ؟
ديمه : لا كلنا سوا العنود بتروح مع بنات خالتها
ابو فارس : لا تنسون تحصنون نفسكم قبل تدخلون القاعه
قاعة الافراح
البنات متجمعات عند الباب ويرحبون بالضيوف واماني داخل بالغرفه مع العنود تخفف من توترها وتهديها
اماني : عنوده انتي طالعه قممممر ماشاءالله
العنود وصوتها يرجف : مشكوره امون
اماني تمسك يد العنود : لا تتوترين انا هنا جنبك ودايم بظل جنبك والخيره دائماً فيما اختاره الله فارس نصيبك مانقدر نعترض
العنود وعيونها بدت تلمع بالدموع : ليتنا بقينا بامريكا
اماني : نوديتي حبيبتي لا تبكين تبين تطلعين بالصور زومبي
فتحت شيخه الباب عليهم : عنوده حبيبتي يالله الحين زفتك
شغلوا الزفه دخلت العنود وراها امها وام فارس وخالتها والبنات جلست عالكوشه والبنات حوالينها وبعد دقائق بلغوا الكل ان المعرس بيدخل اخذوا البنات شيالهم ونزلوا عن المنصه دخل فارس وسلمت عليه اخته
شيخه : مبروك فروس منك المال ومنها العيال
ريم سلمت عليه بعد : ما اصدق انا اخت المعرس
ضحك فارس عليهم وصعد للمنصه وباس جبين العنود وجات امه وسلمت عليه ، جلس جنبها
فارس : مبروك عليك انا يالدلوعه
ردت بإستهزاء وهي تناظر الناس : يا بختي
اخذوا صور وباركوا لهم وبعدها جاء وقت روحتهم للفندق وقفوا الإثنين ومسك فارس يد العنود ونزل معها واتجهوا للفندق والباقي كملوا رقص وتصوير وضحك
عند الشباب
خالد : ما شاءالله عليه فريس طالع رزه
بدر : الله يهنيه ، إلا زياد ماتدري متى سفرت اخوك ؟
زياد : يقول بكره العصر طيارته
ماجد : بهالسرعه عاد خل يجلس اسبوع عالاقل
زياد : مدري عنه يقول شغل ضروري ولازم يلتزم بالوقت