بيت عائله ابو العنود (علي)
صحت اماني ولقت العنود نايمه جنبها تسحبت بشويش وراحت للحمام تتروش وبذيك اللحظه دخلت ام العنود للغرفه وماشافت اماني على السرير عرفت انها فالحمام
ام العنود : عنوده قومي يا ماما الفطور جاهز
العنود بصوت كله نوم : ماما شوي بس تعبانه
ام العنود تجلس جنبها : يالله ياكسوله شوفي اماني ماشاءالله عليها
حطت راسها على صدر امها وضمتها : خليني كذا شوي ماما
ام العنود وهي تلعب بشعر بنتها : احد مضايقك ؟
خافت العنود من احساس امها : لا ماما
ام العنود بشك : ليش احسك مو على بعضك من فتره
العنود وهي تخفي حزنها : لا ماما انا طبيعيه ، يالله بروح اتروش امون طلعت(دخلت الحمام بسرعه قبل تكشفها امها)
بيت عائله ابو فارس (عبدالرحمن)
شيخه : ها بنات شرايكم ؟
ريم : انا مؤيده
مريم : طيب العنود بتوافق ؟
شيخه : العنود خلوها علي(اخذت جوالها واتصلت عليها)
العنود : هلا شيوخ
شيخه : اهلين ياعروسه كيفك ؟
العنود تضايقت من كلمة عروسه : الحمدلله زينه
شيخه : عنوده حبيبتي انا داقه عليك اعزمك
العنود : على شنو ؟؟
شيخه : الليله بسوي حفله صغيره بينا يابنات بما ان بكره عرسك فحابين نسوي لك حفله توديع عزوبيه
العنود : لا ياقلبي مايحتاج انا ….
قاطعتها شيخه : مافيه اعذار انا جهزت كل شيء لازم تجين طيب
العنود بإستسلام : ok