أرض الوطن
بيت ابو فارس (عبدالرحمن)
كان متلهف يكلمها ويعرف اخبار بنت عمه منها لان فارس ماكان طبيعي
شيخه بنت عبدالرحمن : زياد زيووود (تصفق)
انتبه لها : ها هلا شيوخ !!
شيخه : اللي ماخذ عقلك يتهنى به
زياد : فيه غير فارس اخوك
شيخه بخوف : ليه عسى ماشر اخوي فيه شيء ؟؟
زياد ندم على كلمته : لا مافيه شيء بس اشتقت له
شيخه : ههههههههه ياعمري الله لا يفرقكم
زياد : آمين
بعد المغرب جات اماني واهلها يزورون ام العنود ويسهرون معها وزياد كان ينتظر طول اليوم بالحديقه وبمجرد ماشافهم تقدم وسلم عليهم وبلحظه غفله من ام اماني واختها اشر لها بيده وهي فهمته ، دخلت معهم سلمت على خالتها وجلست شوي ثم استأذنت انها تبغى تشم هواء شوي ، طلعت ولقته واقف ينتظرها
اماني : هلا زياد
زياد : هلا بك ، من هذاك اليوم وبالي مشغول قدرتي تتصلين بالعنود ؟!
اماني : ايه كانت مريضه صوتها تعبان مره حتى اني حسبتها تبكي
زياد : وفارس بعد ماكان على بعضه حسيته تعبان
اماني بتهور : ياويلي عسى بس فارس ماسوا فيها شيء
زياد بتعجب : ليه وش بيسوي لها ؟!!
اماني ارتبكت : اااءء لا مو قصدي بس يمكن تزاعلوا انت عارفهم دايم يحارشون بعض
زياد مااقتنع : اماني فيه شيء عارفته وساكته !؟
اماني بتوتر : ل.. لا يعني وش بكون عارفه
زياد : انا متأكد انك مخبيه شيء (قطع عليهم صوت امل تنادي ، راحت اماني بسرعه قبل تشوفها مع زياد وتفهم غلط)