عند عبدالله
عبدالله : لا صبر مو اليوم خلوه الاسبوع الجاي بس اعطيكم الامر تنفذون
الخادم : والموقع وين تحب يكون ؟؟
عبدالله : راحت عن بالي ، لازم موقع بعيد عن الانظار
الخادم : راح ابدأ من بكره البحث
عبدالله : حلو وبس تلقون خلوني اشوفه اول
الخادم : حاضر
رجع فارس من دوامه مهدود حيله وتعبان الحمى فعلاً انتقلت له من العنود دخل وعل طول رمى نفسه عالكنبه حتى ماانتبه انها جالسه ، كانت عيونه حمراء وباينه الحمى على حاله
العنود بقلق : فارس انت تعبان ؟!
رد بتعب : ايه حيييل
نقزت لعنده ولمست جبينه : ياويلي شكلي نقلت لك الحمى ، خلنا نروح للمستشفى
فارس : لا مايحتاج سوي لي كمادات ماء بارد تخفض الحراره
سحبت يده بشويش : طيب تعال معي اوديك لسرير
فارس كان مرهق وفعلاً محتاج احد يساعده يروح لسريره ، حاوطت خصره بذراعها اليمين وهو تسند على كتوفها ومشى بمساعدتها لحد ماوصل لسريره تمدد وهي لحفته وبعدها طلعت تجهز له كمادات الماء البارد ، بعد ربع ساعه دخلت عليه الغرفه وحطت له كمادات على جبينه وجلست جنبه عالسرير وصارت تمسح على شعره
تكلم نفسها : انت اكثر انسان جرحني بحياتي بس مع هذا احبك واموت فيك كل شيء فيك احبه عيونك انفك شفايفك حتى عصبيتك المبطنه بحنان احبها (قربت منه وهمست) : فارس حبيبي ارجع لي
صحى بعد تقريباً ساعتين لقاها نايمه جنبه وهي جالسه ، رفع نفسه بتعب لحد ماوصل لمستواها وصار راسه جنب راسها ناظرها وكان باين عليها التعب والارهاق ضعفانه وهالاتها واصله لحد خدها رفع كفه وحطه على خدها ، حست فيه وفتحت عيونها وهو على طول شال يده
العنود : انت احسن الحين (حطت يدها على جبينه) : الحمدلله خفت الحراره
دز يدها بقسوه : اذلفي لا تقربين مني (دزها وطاحت عن السرير)
العنود بألم : اااه رجلي (ناظرته) : كنت تقدر تقول قومي
فارس : اذلفي ماابغى اشوف وجهك اطلعي من الغرفه
طلعت من غرفته ودخلت غرفتها قفلت الباب وطاحت عالارض تبكي ، اما هو قام عن السرير واتجه للحمام عشان يتروش ويسترخي شوي