عند عبدالله
اخذ جواله وارسل مسج لفارس كانت ابيات عن الشوق وكتب تحتها ، هذي اهداء لحبي عنوده بما انك كسرت جوالها طبعاً عبدالله عرف بالموضوع من العامله اللي رشاها لما دخلت تنظف وقت اخذ فارس العنود للمستشفى ، فارس فار دمه من هالكلب
يكلم نفسه : كيف يعرف كل شيء معقول تواعده بالشقه وقت اروح لشغل بس هي صار لها اكثر من اسبوع تعبانه وماتتحرك كثير
(قطع حبل افكاره دخولها لصاله وباين عليها شوي استردت عافيتها)
العنود : مساء الخير
فارس : الله لا يمسيك الا بالسوء ما متي وفكيتيني من وجهك
كلامه جرحها حييل لكن ماردت عليه بررت له لحد ماملت حتى انها بدت تحس انها فعلاً غلطت لانها ماوضحت لعبدالله مشاعرها وتركته معلق بحبها ، استغرب صمتها دار وجهه لها وناظرها حس بشوق لها اشتاق لضحكتها اشتاق لدلعها تغيرت حيل ، قلبه يتقطع عليها لكن خنجر خيانتها للحين بصدره مغروس
العنود انتبهت له : فارس فيك شيء ؟ّ!
فارس : وجهك يضيق الخلق انقلعي داخل
بان الحزن بعيونها وقامت عن الكنبه وطلعت للبلكونه بدون لا ترد عليه وسكرت الباب واطلقت العنان لدموعها اما هو كان جالس بالصاله وحاس انها تبكي قام عن الكنبه بسرعه متناسي كل اللي حصل بينهم فتح باب البلكونه بقوه خوفت العنود قرب منها ومسك وجها وباس شفايفها بلهفه وشوق قلبه معاد يقدر يتحمل هالبعد اكثر عطشانه روحه وماترتوي الا بشهد شفايفها ، حاوطته بذراعيها وقربته اكثر لها تحبه بجنون وماتقدر تتحمل بعده عنها ، وبعد لحظات مرت عليهم مثل الثواني بعد شفايفه عن شفايفها ولسى خشمه ملامس خشمها ويتنفس انفاسها لكن بلحظه تخيلها مع عبدالله بهالمنظر ودفها عنه ، عطاها ظهره بيمشي لكن وقفه حضنها له من ورا
العنود : فارس بليييز اسمعني
فك ذراعيها اللي محاوطه خصره ولف لها : وش اسمع سواد وجهك
العنود وهي تبكي : فارس صدقني انا مثلك مصدومه وماعندي فكره …
قاطع كلامها ومسك فكها بقووه : اصدقك وانا شايف كل شيء واضح قدامي وكل دليل اقوى من اللي قبله (ضغط اكثر على فكها)
العنود صارت تبكي وتشاهق من الألم وماقدرت تتكلم انكسر خاطره على شكلها وفكها
فارس : انتي تركتي جرح بقلبي مراح يشفى الا بموتك
انصدمت العنود كثير من كلامه معقول لهدرجه يكرها ويتمنى لها الموت