بيت ام فهد (وداد)
ام فهد : اكيد لازم اروح لها
ابو فهد : ماقالت لك متى سفرهم ؟
ام فهد : بعد بكره سفرهم
اماني : بروح معك يمه
ناصر : ترى العنود مراح تروح معهم
اماني : ادري
فهد : انا بوديكم ابغى اسلم على خالتي قبل تسافر
ناصر : وانا بعد بجي معكم
بيت ابو فارس (عبدالرحمن)
ام فارس : وبومتك بتروح معهم ؟
فارس تضايق من كلمة امه لكن عداها : لا
مريم : ياليل ليه ماتنقلع وتفكنا
فارس بعصبيه تخوف : مريم احشمي عمرك وتأدبي يكفي اني ساكت على حركاتك الماصخه معها
ام فارس بقهر : لا والله !! قوم قوم اضربها بعد
تضايق فارس وطلع من الصاله وفي طريقه لسيارته لقى سياره عند بيت عمه علي دقق بالنظر اكثر وشاف العنود واقفه مع اثنين شباب وتضحك اشتعل غيره وراح لها
فارس : العنود
(التفتوا كلهم) .. العنود : اهلين فارس تعال سلم على عيال خالتي
(هدأ فارس وسلم عليهم لكن انقهر كثير من قرب ناصر للعنود صح انه اخوها بالرضاعه لكن يتنرفز منه)
ناصر وهو حاط يده على كتف العنود : خلك منه متكبر لانه دكتور
العنود : يحق له الدكتور فهد
ناصر ضربها بشويش على راسها : ابغاك عون صرتي فرعون (ضحك فهد على هبالهم اما فارس كان وده يذبح ناصر ويبعده عن العنود)
كيف راح تكون ايام العنود الجايه واهلها بعيد عنها ؟
هل خوف فارس بمحله والعنود مراح تتحمل بعد اهلها وتروح لهم ؟
كيف راح تكون ردت فعل العائله والعنود لما يقابلون نور ؟