بيت ام فهد (وداد خالة العنود)
اماني : يمه اتصلتي على خالتي ؟
ام فهد : ايه توني قبل شوي اتصلت عليها
اماني : ها كيفها لسى تبكي ؟؟
ام فهد : ايه قلبها مشغول على بنتها اول مره تروح بعيد عنها
ناصر : حاولي تقوينها يمه وبعدين هذي سنة الحياه البنات يتزوجون ويروحون مع ازواجهم
امل : بالضببط ، قولي لها يمه انها 3 شهور بس وترجع ان شاءالله
بيت الجد فارس
شيخه كانت بحاله يُرثى لها ماتدري تدعي على العنود ولا تدعي على فارس اللي ماانتبه لها طول هالسنين او تدعي على قلبها اللي تعلق بوهم ، اغلب وقتها بغرفتها حتى ان امها لاحظت عليها وجدها بعد ديمه الوحيده اللي كانت عارفه السبب وتعبت من كثر ماتحاول تخرجها من اكتئابها
محمد : شباب ودكم نروح للإستراحه ؟
فارس بن راشد : مالها طعم من دون فروس
بدر : مكانه كبير هالكلب من الحين فقدته
علي : الله يوصله بالسلامه
الجد فارس : اتصل على احد من اخوانه شف يمكن وصل
فارس : لا جدي تو الناس ما اظن وصل
الجد فارس : صار له ساعتين وين تو الناس ؟؟
بدر : جدي ترى سنغافوره مب دوله من دول الخليج بينا وبينها اميال
وبعد 7 ساعات بالطياره وصلوا لسنغافوره نزل فارس ونزلت بعده العنود كان يتلفت يمين ويسار
العنود : شفيك مضيع شيء
فارس : لا بس ادور على واحد بياخذنا للفندق من فريق العمل اللي جيت معهم
وبعد بحث لقوه ومشوا معه لسياره وتوجهوا للفندق
العنود : واااو شوف المنظر اللي تطلع عليه البلكونه ذكرتني بأيام امريكا
راح لها فارس و وقف جنبها : صادقه المنظر رهيب ناقصنا طاوله وكرسي
العنود ضربت كتفه بالخفيف : انتظر هنا دقيقه (راحت ركض لطاولة الطعام وجابت كرسيين واخذت طاوله صغيره جانبيه فالصاله ورتبتهم)
العنود وهي مبتسمه : ترااا كيف بس ؟؟
فارس : هههههههههه (صفق لها وباس خدها ودخلوا داخل يرتبون اغراضهم)