بيت عائله ابو فارس ( عبدالرحمن )
رتبوا المكان وجهزوا القهوه لضيوف وصلوا الضيوف لكن العنود وفارس لسى ماوصلوا ، ام فارس اقنعت ام العنود انها تخلي صباحيه العروس في بيتها وبعدد كم دقيقه وصل فارس والعنود راح هو لرجال وهي للحريم سلمت على الكل واستأذنتهم لانها مارتبت شنطتها
في المجلس
زياد : تروح وترجع بالسلامه
فارس بن عبدالرحمن : الله يسلمك
راشد : تقدر تزورنا بين هالثلاث شهور ؟
فارس : لا اما اظن ترى منيب مبتعث (ضحكوا الكل على غباء راشد)
مافيه شيء مهم كلها محادثات عاديه ، نرجع للعنود نادت الخدم يساعدونها في الترتيب وراحت لجوالها لقته صامت وفيه اكثر من 20 مكالمه من نور استغربت واتصلت عليها ردت نور على طوول
نور : وينك انتي يابنت تعبت وانا بتصل ؟؟
العنود : هلا نور سوري حبيبتي انتي عارفه امس عسي وجوالي مع امي
نور : مو مشكله كنت بس بدي بارك لك واطمن عليك خفت لما ما رديتي
العنود استغربت شوي لان كلام نور مو منطقي : الله يبارك فيك
نور : ايه بدي اسألك شهر العسل راح بيكون وين ؟ اكيد امريكا
العنود : لا للأسف سنغافوره بسبب ظروف شغل فارس
نور : اوك حبيبتي الله يوفأك يارب مابدي اشغلك اكتر
قفلت العنود الجوال وكملت ترتيب ملابسها ، فارس طلع من الشباب وراح لامه وخواته يسلم عليهم قبل يسافر
ام فارس : بتمشي الحين ؟
فارس : ايه يمه معاد فيه وقت
مريم : عالاقل انطر الغداء
فارس : ماعندي وقت والله (سلم عليهم واتصل بالعنود)
العنود : هلا
فارس : يالله اطلعي انا فالسياره
سلمت العنود على امها وابوها ومشت ، ماجد واخوانه راحوا ورا فارس بالسياره وكذلك الجد فارس مع فارس بن راشد ، ام فارس كانت بتروح لكن عندها ضيوف وكذلك ابو فارس عشان كذا راح راشد بس الباقي مع ابوهم ، العنود كانت طول الطريق تبكي
فارس : بس يالدلوعه ترى مراح نهاجر كلها 3 شهور
العنود وهي تمسح دموعها : ماما كانت تبكي قطعت قلبي
فارس : حتى انا امي بكت هذا طبع الامهات عاطفيات بزياده
العنود وهي لسى تبكي : انت ماعندك قلب ابد
وصلوا المطار نزلوا حقائبهم سلموا عليهم ودخلوا داخل ينتظرون وصول طيارتهم
العنود : فارس عادي اروح هالمحل فيه شغلات حلوه
فارس : لا انثبري مكانك
العنود بترجي : فارس بليييز شوي بس قريب منك
فارس بإصرار : انثبري مكانك لا كف (خافت العنود وسكتت)
نادوا عليهم ومشى فارس ومعه العنود هناك لقى ناس كثير يعرفهم معه بالشغل اغلبهم مع زوجاتهم بعضهم عندهم طفل او طفلين ركبوا الطياره العنود كانت بجانب فارس