رواية احببت متهم الفصل الثاني 2 بقلم نهلة ايمن (الرواية كاملة)

قرب منها الرجل وقال بتحذير

_ يكون فى علمك لو عبدالله عرف يثبت انه مش هو اللى قت.ل وروحت انا ف داهيه ..يبقى عليا وعلى اعدائى فاهمه !!

قال كدا وسابها وخرج..

اما هي بقت تكسر اي حاجه حواليها بغضب وبتقول

_ غبي غبي هيبوظ كل حاجه عملتها…بس لا مش هسمحلك ابدا ..

♡♡♡♡♡♡♡♡♡♡♡♡

كان عبدالله قاعد فى الزنزانه…بيبص قدامه بتوهان ومش قادر يفكر..او مش عايز يفكر ف كدا…استحاله يبقى هو !! استحاله يعمل فيه كدا…

تنهد بتعب وقال

_ يارب افرجها من عندك يارب..وميبقاش هو يارب خيب ظني فيه..

**************

عند همسه كانت هي ومحمد صديق عبدالله فى شقه عاصم بعد م خدو اذن نيابه عشان يقدروا يدخلو..

محمد بتعب

_ همسه احنا بقالنا ساعه بندور ولحد دلوقتى ملقناش حاجه..

همسه باصرار

_ عارفه بس انا مش هيأس ..انا متأكده اننا هنلاقى حاجه..

محمد بضيق

_ هنلاقى ايه؟ ها بقالنا ساعه ولسه موصلناش لحاجه وكل حاجه بتدل ان عبدالله هو اللى قتله..

ردت عليه بنرفزه

_ متقولش هو اللى قتله..عبدالله لايمكن يعمل كدا ف صاحب عمره ..حتي لو كان بينهم ايه ده اتهام باطل عشان مش حقيقه…اكيد حد بيكره عبدالله هو اللى عمل كدا بس ازاى الشخص اللى بان فى الكاميرات نسخه من عبدالله !!