وضع الثلج علي وجهه ليقول بضيق :
– اهو الي حصل بقي …
رفعت حاجبها لتقول بتهديد حازم :
– اسمع اما أقولك أنا خرجتك من المصيبة الي كنت فيها بالعافية يبقي تعمل الي اتفقنا عليه تاخد مراتك وعيالك وتغورو في داهية !
صاح بها بغضب :
– هو مش كل ده بسبب ابنك الي حبسني وضربني وكمان طلقها مني !
رمقته شزراً لتقول بأمر :
– مش مشكلة هنشوف حل تاني المهم تبعدها عن ابني !
ارتدت نظاراتها وغادرت شقته بقوة وهي تغلي من الغيظ وعازمة الا تكرر مأساة الماضي مرة أخرى…
*****
دخل الي منزله حاملاً الحلوى المفضلة لصغيرته ليقول بمرح :
– اين انتم يا قوم ؟!.
دخل ليجد والدته تطعم الصغيرة بحب وهي تقبلها وتداعبها بحنان ، نظرة راضية احتلت عيناه فكم كان يخشي معاملة والدته للصغيرة ولكنه سعد بتغيرها مؤخراً ليسمعها تقول بتذمر :
– كفاية يا آنا انا هبقي شبه الباندا من كتر الأكل !
قهقه بخفة ليقول بمرح :
– وهو في باندا حلو كده يا ناس ؟!.
في لحظة كانت بين أحضانه وهو يقبل وجنتيها بحنان لتقول والدته :
– إلياس كنت عايزة أتكلم معاك في موضوع مهم…
أنزل الصغيرة ليقول بحنان :
– يلا يا توتا خدي الشكولاتة بتاعتك وادخلي العبي في اوضتك علي ما أكلم آنا…
اومأت بطاعة لتختطف الكيس من يده وتهرع للداخل ، جلس بجوار والدته ليقول بهدوء :