نظرت أرضاً بحزن ليقطع حديثهم رنين هاتفه ليجيب بابتسامة زادته جاذبية :
– أيه يا روح قلبي خلاص قربت اوصل ومتقلقيش يا ستي جبتلك الي انتي عايزاه….
ضحك قائلاً :
– يخربيت الشكولاتة الي لحست دماغك حاضر يا ستي اي أومر تانيه ؟!.
أغلق هاتفه غافلاً عن تلك التي تراقبه بابتسامة حانية فالرجال الذين يقدرون زوجاتهم لم ينقرضوا كما تظن ها هو يحدث زوجته بكل حب نظر لها ليقول بابتسامة ومرح :
– دي بنتي الصغننة لازم تكلمني كل شوية بحس انها مراتي من كتر حنيتها…
دهشت ولا تدري لما شعرت بسعادة خفية تتخللها حين أدركت انها ليست زوجته لتقول برقة :
– ربنا يخليهالك…
أوصلها الي منزلها لتترجل قائلة بحرج :
– انا متشكرة جداا علي وقوفك جمبي وبعتذر مرة تانية علي حصل في المول…
اومأ له بابتسامة لتتركه وتصعد الي بنايتها وهو يتطلع خلفها بدهشة متمتاً :
– بقي ده منظر أم ومطلقة كمان دي باين عليها مكملتش 20 سنة !
******
– يعني ايه ملحقتش تردها ؟!.
صاحت بها “فريدة” في غضب عارم وهي تدفعه بعنف ، ليقول بتوتر :
– والله انا كنت خلاص هركبها العربية معرفش طلعلي منين ابن *** ضربني وخدها !
نظرت له شزراً لتردف بغضب :
– علشان غبي ! مش قادر تقول للناس انها مراتك ؟ مكانش حد هيقدر يفتح بوقه ! دانت لو دبحتها محدش هيتدخل طالما جوزها !