فوجدته يتحدث بجدية وهو يتجاهل سؤالها :
– أسمعيني كويس ياتمارا ونفذي اللي هقولك عليه.. دلوقتي عايزك تفضلي مع أثير طول اليومين الجايين، خليها جمبك أغلب الوقت
تنغض جبين “تمارا” بـ اندهاش من هذا الطلب الغريب و :
– ليه؟؟ ده ظافر بيركبه ١٠٠ عفريت لما بيشوفها!
– عشان السبب ده بالظبط عايزك تكوني معاها، ظافر بيبهدل البنت كل ما يشوفها ومش مقتنع إنها في الغردقة عشان شغل.. عشان كده لازم تخلي بالك منها، دي بنت ناس برضو
– حاضر يابابا
– وطبعًا أخوكي ميعرفش إني كلمتك
فـ تباهت “تمارا” أكثر من اللازم كون والدها قد أسند لها مهمة :
– متقلقش يابابا انت متعرفنيش، بير أسرار
– سلام
وأغلق على الفور، فـ نظرت للهاتف وهي تردف :
– هو ده بابا اللي اعرفه
ثم حملت الحقيبة على ظهرها وغادرت الغرفة حيث ينتظرها الجميع بالأسفل.. وقفت أمام الفندق لحين حضور المشرف، وبنفس الوقت كانت تراقب المحيط بحثًا عنها عقب أن علمت بخروجها في الصباح ..
ها هي تأتي من مسافة قريبة.. فـ أسرعت “تمارا” نحوها و :
– أثير، تعالي معايا بليز
ورغم تعجب “أثير” إلا إنها كانت هادئة وهي تجيب :
– آجي فين؟
– طالعين رحلة باليخت
ثم سحبتها و :
– تعالي معايا وانا اقولك
ثم غمزت بعيناها لـ “فدوى” كي تغطي مكانها و :
– أنا هفهمك، دي رحلة عشان……