تنغض جبينه وكأنه لم يفهم بعد و :
– انتي بتقولي إيه ياچيهان!! مش فاهمك
– أثيـر، ما خلاص ياظافر عرفنا كل حاجه وشوفنا الصورة.. ليه يعني بتخبي!؟
فـ انبعجت شفتي “زينب” بسعادة شديدة وهي تقول :
– بجد ياظافر ؟؟ مين دي أنا أعرفها!
فركت “تمارا” طرف ذقنها وهي تهمس :
– أنا مش فاهمه حاجه!
ترك “ظافر” زفيرًا محتقنًا مُدعيٍّا الثبات رغم تأجج صدره، واقترب منهن وهو يقول :
– جميل، عايز اشوف الصورة اللي بتتكلموا عنها
فـ أسرع “نزار” للتدخل كي يمنع ذلك :
– ياظافر الحكاية كلها آ…..
– متدخلش يانزار، خليك انت بعيد ولسه هنتحاسب
وعاد ينظر لشقيقته “نرمين” التي بدأت بالفعل في فتح هاتفها وأشهرت الصورة أمام عينيه.. وضع كل حواسه في هذه الصورة وراح يستخدم خاصية المُكبر للكشف عن هوية تلك الفتاة التي تظهر من جانب وجهها، إنه هو.. هذه ضحكته وهذه وقفته وهذه بذلته أيضًا، ولكن من هي تلك التي يظهر معها وهو يضحك هكذا!!
لم يطيل الصمت طويلًا، ورفع بصره نحوهن يسأل بـ هدوء مريب يسبق أعاصير غضبه :
– مين دي؟ أنا أول مرة أشوفها!؟
………………………………………………………..
كانت “أثير” تتحدث في الهاتف في هذه الساعة الليلية المتأخرة.. تشعر عندما تراها بثبوط عزيمتها، تنهدت بحزن وهي تقول :
– أنا شايفة كفاية أجازة على كده.. زهقت من قاعدة البيت وعايزة انزل الفندق تاني، بس مستنية فرح نرمين يعدي.. انتي عارفة إنه هيتعمل في أكبر قاعة في الفندق والتجهيزات هتبقى عالمية أكيد