فـ صدقت بسذاجة و :
– ماشي
مدّ أصبعه نحو شفتها ومسح الشيكولاتة العالقة بها منتشيًا بذلك، فـ ضربت يده وهي تدفعها عنها و :
– إيدك لتوحشك ياشاطر.. تاني مرة متحطش صوابعك اللي عايزة قطعها دي عليا، ماشي؟
وتركته بعدما رمقته بنظرة منزعجة، ضحك وهو يكتم صوته وأطرق رأسه.. إنه على حافة الجنون بها، ليكون ستر الله عليه عظيمًا ولا يُجن بالفعل قبل أن تكون مِلك إيمانه.. وإلا سيكون الأمر غاية في الصعوبة ويستحيل السيطرة عليه.
دخلت “تمارا” غرفتها ونظرت للمرآه، فـ إذ بها تنصدم برؤية طفلة في المرآه.. سحبت منديل ورقي وهي تغمغم :
– انا اندمجت أوي تقريبًا.. إيه المنظر ده !! ده ولا عيلة عندها ٣ سنين
ومسحت فمها بالمنديل متابعة :
– قال بيحط صباعه على شفايفي!! ياكش تتشك في صوابعك كلهم
………………………………………………………………….
خرجت “أثير” من غرفتها فوجدته جالسًا يحتسي الشاي مع والدتها ويبدو إنها أعجبت به كثيرًا.. كانت تتحدث معه بـ استفاضه وودّ شديدين إلى أن حضرت هي :
– آ.. ماما.. ظافر مش بيحب الشاي، بيشرب قهوة
فـ رفع عنها “ظافر” الحرج و :
– لأ عادي مفيش مشكلة
نهضت “سمية” على الفور و :
– أعملك قهوة حالًا، ٥ دقايق بس