عانقتها “تمارا” و :
– عسل بيتكلم، أول مرة أشوف عسل بيتكلم
ثم همست بجوار أذنها :
– خليكي كده على طول
صافحها “ظافر” بدون أن ينظر إليها و :
– أهلًا
– أهلًا
كادت تبتعد لولا أن “رستم” تدخل و :
– أقعدي جمب العريس بقى ياأثير
أفسحت “تمارا” المجال لها لتجلس مكانها وتكون أقرب منه و :
– تعالي هنا ياأثير
بينما غمغم “ظافر” وهو يرمق شقيقته بتوعد :
– ماشي، كله بحسابه
جلست” أثير” بـ استحياء جواره محاولة أن تواري ساقها المكشوف قليلًا.. بينما تحدث “رستم” على الفور قبيل أن يحدث بينهما أي احتكاك قد يؤثر على مسار اليوم :
– طبعًا سبب زيارتنا معروف، إحنا جايين نطلب إيد بنتك أثير لـ ظافر إبني ياست سمية.. وطبعًا مش محتاجين نطول في فترة الخطوبة، يعني بعد موافقتكم هنبدأ نجهز نفسنا عشان نجوز الولاد و….
تفاجئت “سمية” بهذا الحديث، حيث ظنت إن الأمر سيمر بأريحية وبدون عجلة.. ولكن هذا الحديث جعلها تستوقفه و :
– وليه الإستعجال ده، أنا رأيي نسيبهم براحتهم يحددوا موضوع الجواز ده
فـ أيّد “ظافر” رأيها على الفور و :
– وانا كمان شايف كده
ابتسمت “أثير” وكأنها تثبت لنفسها أن شكوكها في محلها، بينما أراد “رستم” ألا يفضح الأمر أمام والدتها و :
– اللي يريحهم طبعًا، أنا كان قصدي إن أجازات ظافر مش كتير وبتخلص بسرعة، عشان كده استعجلت