خرج المسؤول عن قسم الطوارئ باحثًا عنه حتى وجده، فـ تقدم منه و :
– حضرتك اللي مع الأنسه اللي جوه؟
– آه، هي مالها؟
– الآنسه عندها حساسية على الصدر ومن الدرجة الحساسة جدًا، ممنوع الدخان ممنوع المواد العطرية اللي نسبة الكحول فيها عالية ممنوع تشم عوادم ممنوع تتواجد في بيئة صناعية.. كل ده ممنوع عنها، حضرتك بتدخن؟
وهنا أدرك “ظافر” إنه كاد يتسبب في كارثة بدون شعور منه.. لقد كان السبب في الحالة التي وصلت إليها ولم يترك لها حتى بصيص من الهواء عندما أرادت فتح النافذة.. أحس بالندم الشديد يتآكله وامتعض وجهه وهو يردف :
– أيوة
– ممنوع حتى تدخن جنبها
أومأ برأسه متفهمًا و :
– طب ممكن أدخل اشوفها
– ممكن، هي ارتاحت شوية وياريت لو ترتاح في البيت كمان
– مفهوم
انصرف.. فـ دخل على الفور، وجدها بالفعل استعدت للمغادرة.. نظر إليها بضيق و :
– أنا آسف مكنتش أعرف آ…..
فصاحت به فجأة وكأنها تنفث عن هذا الغضب الذي اعتراها :
– انت على طول متعرفش وعلى طول متقصدش، انت الملاك دايمًا
ومرت من جواره.. فـ لحق بها و :
– أستني رايحة فين، أنا هوصلك
فقالت بـ حزم تملك من نبرتها ونظراتها :
– لأ، مش محتاجة شفقتك عليا.. أنا طلبت عربية وواقفة مستنياني برا