– توليب هانم أنا رئيس حرس قصر رعد باشا الحقيقة في لبش بيحصل في القصر !
“توليب” بقلق : في أيه عندك ؟
– في حاجات كدة غريبة بتدخل القصر دباديب و مش عارف ايه .. المهم يا هانم في واحد جه القصر ساب عربية و مشي .. وقال أن اللي باعته رعد باشا ..
أنتفضت معتقدة أن “رعد” سيرجع للقصر ، و لكن تقلصت ملامحها عند سمعها “بالدباديب” لتقول بحدة :
– أنا جاية حالاً
• • • •
في قصر “رعد البناوي”
ساد الهرج و المرج في القصر و أشياء تخرج و أخرى تدلف ، بينما الحراس في حيرة أمرهم فـ هم لن يفعلوا شيئ سوى عند وصول “توليب”
بعد دقائق ليست طويلة وصلت توليب و التي بدورها طالعت القصر بدهشة ، سقط قلبها أرضاً من مجرد التخيل أن “رعد” من الممكن أن يكون .. أتى !
سارت بحدة عكس جسدها المرتجف لتقول لرجل كان يحمل بعض الهدايا لتردف بحدة :
– أيه اللي بيحصل هنا عايزة أفهم ! و أزاي تدخلوا هنا !
انكس الرجل رأسه و هو يقول بأدب :
– رعد باشا اللي باعتنا يا فندم ..
أرتفع الأدرينالين بدمها لتضرب بقدمها بالأرض و هي تصرخ به بقوة جعلت الهدوء يعُم القصر فجأة :
– رعــد ! رعد مين دة اللي يتحكم في حياتي ها ؟ أزاي يسمح لنفسه أنه يدخل حاجات تبعه في مكان أنا عايشة فيه هو أتجنن ! خدوا كل حاجة دخلت القصر دة و أطلعوا برا .. هعد لحد عشرة و أقسم بالله لو لقيت حد لسة واقف هعرفه شغله .. بــراا !!!!