+
عادت هي و ابنها تجر خيبات الأمل خلفها، جلست تعاتبه على قراراته و تنصحه بأن يتحلى بالصبر لتسير الأمور لمجرها الطبيعي
+
نظر لها و قال بنبرة حزينة و هو يحاول أن يخرج كلماته المتلعثمة واضحة
+
– ياما أنا تعبت معها عملت كل خاجة عشان ترضى عني و تسامحني بعد اللي عملته و بردو مافيش فايدة، كل ما احاول اقرب منها تصوت و تهددني إنها هاتقتل نفسها، ماحستش بنفسي وهي واقفة معاه بتخوني و تسلم نفسها في الحرام لكن الحلال تمنعه
+
رد والدته معاتبة إياه قائلة
+
– لأ لأ يا عبده اخس عليك أنت يطلع منك الكلام دا طب ازاي أنت تصدق عن مراتك الكلام الفارغ دا، مين يا ابني اللي ملى دماغك من ناحيتها كدا ؟ مراتك دي بنت ناس و لا مؤاخذة في الكلام يعني ماخدش يا ابني ياخد اللي خده غصب الخاجات دي بتيجي بالرضا
+
– تعبت ياما و زهقت رجعت و بتتكلم معايا كأنها معملتش حاجة
+
– ايوة يا ابني هي فعلا معملتش حاجة البت كانت بتشتغل وبتصرف على نفسها وأنت عارف كويس ظروفهم عاملة ازاي وبعدين تعال هنا هو أنت لما عرفتها عرفتها ازاي مش عرفتها في شغلك ؟ وهي عرفت اللي اسمه شهاب دا ازاي مش بردو عن طريق شغلك و أول مرة تشوفه كان معاك ؟ و لما عرضت عليه شغلها كان قدامك ؟