– بنتك مبترضاش إني اقرب منها احنا متجوزين بقالنا أربع شهور بس الواقع بيقول إننا اتجوزنا شهر واحد بس بنت مش عاوزة تديني حقوقي يا عم محمد و بتديها لواحد تاني
+
رد العم محمد و هو يقف عن مقعده و قال بحدة و صرامة
– الزم حدك يا عبده اللي بتتكلم عنها دي بنتي و بلاش بقى شغل العيال الصغيرة دا، أنا بنتي متربية و عارفة دينها و أخلاقها كويسة اوي قلة أدب مش عاوز و بقلك بقى من الآخر كدا البت مش قابلك و انا بحاول اضغط عليها و هي مش راضية جاي بعد دا كله تقل لي بنتك بتعمل و مش بتعمل عيب كدا، بص يا ابن الناس زي ما دخلنا بالمعروف نسيب بالمعروف و دا آخر ما عندنا طلق بالذوق بدل ما نعلمك الأدب و طلق بالعافية
+
اغتاظ ” عبد الكريم ” من ردة فعل والدها، وقف عن الأريكة و قال بوعيد و هو يخرج من البيت
+
– هنشوف من فينا اللي هيعلم التاني الأدب و طلاق مش هاطلق يلا بينا ياما دي ناس وشها مكشوف
+
خرجت والدة ” عبد الكريم” و حاولت تلطيف الأجواء و تهدأت الوضع بكنها فشلت، بسبب عناد ابنها الذي تحول فجاة من رجل ذو قرارات هادئة يعرف كيف يتصرف مع الأمور إلى طفل لا يتجاوز الخمس أعوام يعناد لينفذ أمره أيًا كان هو .