+
– لأ مالي و نص يا حلوة أنتِ في حكم خطيبتي و قريب اوي ها تبقي مراتي يعني الخروج بحساب و الدخول بحساب و لو مش عجبك اخبطي راسك في الحيط
+
– أنت ازاي تعمل كدا أنا هابلغ فيك الحكومة و اخليهم يلموك يا
+
قاطع ” حمدي” صراخ والد ” نبيلة” بصفعة مدوية ذهل على إثرها الجميع، سقطت دموع والدها من هول الموقف، شعر أن انكسر كبريائه كـ راجل مُسن في عمر والده، لم يتوقع تمامًا أنه سيفعل بهِ هكذا، بينما هو نظر في وجوه الجميع و هو يوجه سبابته نصب أعينهم و قال
+
– الكلام دا مش هاعيده تاني، خروج من باب البيت دا من غير أذني ممنوع و اعملوا حسابكم إني هكتب عليكي الخميس الجاي
+
تابع بنظرة ساخرة و هو يمرر لسانه على جانب شفتاه و قال بتحذير مبطن يعلمه من هو خبير ببواطن الامور
+
– و بدل ما تبقى دخلتنا أنا و أنتِ تبقى دخلتك أنتِ بس و بردو في أبيض بس ملفوف من ساسك لراسك
+
علمت أنه يريد أن يحذرها بالموت و أن ما يرمي إليه هو تحذير مباشر و واضعًا لأمرهم حده .
+
جلس من جديد على الأريكة و بدأ في إشعال لفافة تبغ جديدة، جذب والدها و هو يضغط على رسغه بعنف و قال ساخرًا
+
– اقعد يا حمايا البيت بيتك اقعد يا راجل ما تتكسفش