_تعرف ايه عن واحدة الإنجليز شايفينها عربية والعرب شايفينها إنجليزية؟ واحدة عايشة عيشة متوترة، مش لاقية صديق ولا حد جنبها.
تعرف ايه عن واحدة عاشت من غير مامتها؟ واحدة بتدور على حب ومش لاقية، باباها مشغول ومفيش اى واحد راضى بيها، العربى شايف انها نشأت برة فمش هينفع يثق فيها والإنجليزي شايفها عربية متخلفة متنفعش للتقدم
كان ينظر إلى انهيارها إلى أن انتهت من الحديث لتنهار فى بكاء يقطع نياط القلب وهى تدفن وجها بين كفيها ولكنه مع ذلك نظر لها بهدوء ليجيبها بعملية غريبة على طبعه المازح :
_اعرف ان الحب إللى بيبتدى بتنازلات بلاش منه لانه ما اسموش حب، اعرف ان إللى مقتنعش بيكِ بلاش منه، اعرف ان انتِ مميزة باختلافك ولازم تلاقى إللى يتقبل اختلافك ده، اعرف ان إللى بيحب حد مابيبصش لعيوبه ويتكلم عليها انما بيتقبله زى ماهو.
اعرف ان لكل شخص واحد تانى اتخلق يكمله، شخص واحد خرجتي من ضلعه وهو ضلعه معاكِ علشان كدة مش هتاقي الامان غير فى وجوده وراحته مش هيلاقيها غير معاكِ، اعرف ان الحب مش عطف وشفقة ولا تكملة إللى ناقص، مش علشان ملقتش حد يحبنى اتسول الحب، انتِ لازم تعيشى علشان نفسك، لاقيتى بنى ادم يكملك ويحبك كان بها مالقيتيش يبقى فى داهية.