متقدريش… عارفة ليه؟ لأنك عارفة انك غلط.
حتى الولد دة لو كان كويس كنتِ عرفتيه على باباكى لكن متقدريش، انتِ ماشية فى طريق غلط يا لوجين وانتِ اكتر واحدة عارفة كدة وعلشان كدة انتِ مش مبسوطة ومتغيرة لانك عارفة ان باباكى اتجوز مامتك فمش هيمانع من جوازك من اجنبى لكن يكون كويس، لكن دة مش كويس.
حتى جدك الأجنبى ده هيرفض لانه معروف عنه انه بيهتم بالتقاليد والأصول، حتى لو مامتك كانت عايشة كانت زمانها ادتك قلم فوقتك على إللى بتعمليه دة
صرخت به بغضب وقد حرقتها عيونها بالدموع:
_وانت تعرف ايه عن ماما؟؟
أجاب ساخرا:
_اعرف عنها إللى انتِ متعرفيهوش، اعرف انها واحدة بتحترام التقاليد والأصول، واحدة بتحترم الصح والغلط، واحدة عاشت فى بلد مش بلدها لكن محدش صدق انها مش منها لانها كانت بتحترم تقاليدها واصولها.
اعرف عنها انها عمرها ما خانت ثقة حد، اعرف عنها انها عشقت باباكي لدرجة ضحت بحياتها علشانك لكن لو كانت شافتك كانت فضلت حياتها عنك
تساقطت الدموع من عينيها وهى تستمع لحديثه لترفع عيونها جهته تساله بحرقة:
_انت باى حق تحكم عليا؟؟
_بحق إللى انا شايفه
كانت تلك إجابته البسيطة والمغتاظة، لتنظر له صارخة بقهر بينما شهقاتها بدات ترتفع من ضغط العالم باكمله علينا: