رفعت اصبعها صارخة بتحذير:
_احفظ حدودك وكلامك معايا يا مروان، انا بلتزم بحدودى كويس اوى وعمرى ما خنت ثقة دادى:
ابتسم ساخرا وهو يجيبها بتهكم:
_لا ما هو باين، تحبى اعدلك انتِ عملتى ايه ولا لا؟
انتِ شربتي خمرة يا هانم، وتانى حاجة ماشية مع شاب الله اعلم نواياه ايه.
ما هو اللى يجيب بنت فى مكان زى ده اكيد نواياه تقرف زيه، وتالت حاجة لبسك دة إللى لو شافه أبوكى هيقع ميت.
صرخت به باستهجان:
_وماله لبسى؟؟
التف ينظر جهتها بغضب لبجيبها بوقاحة تعمدها:
_ لبسك دة لو شافه واحد تانى هيتقال عليه لبس عوالم، فاهمة يعنى ايه؟؟ دة ولا بدلة الرقص، لبس مايلبسوش غير بنات الليل
صفعة قوية هبطت على وجنته تردد صداها فى الشارع بينما عيناها كانت تخرج شرارات غاضبة تكاد تحرقه حيًا، ثم رفعت راسها جهتها هادرة بغضب:
_اوعى تفتكر ان انا هسمحلك تقلل منى او تقول كلمة زى دى عنى، انت ناسي انت فين؟ انت فى لندن مش فى مصر، إللى شايفة عندك عيب هنا عادى، فاهم؟؟
قبض نروان على كفه يمنع ذاته من الانسياق وراء غضبه وان يرد لها صفعتها اضعاف مضاعفة ولكنه مع ذلك نظر لها ليجيبها بغضب يضاهيها:
_أن كنتِ شايفاه عادى ليه ما تنزليش بيه قدام باباكِ، الخمرة إللى شايفاها عادى ليه متشربهاش قدامه؟؟