ظل ادهم ينظر جهتها بتعجب وهو يلاحظ نظراتها الباردة نحوه بل وهذه القوة الغريبة عليها وكإنها تنوي على فعل شيء ما، ولكن وقبل ان يسألها تفاجأ بها تهز رأسها وهى تنظر جهته تسأله بسخرية:
_خير؟؟ عاوز ايه؟؟
ارتفع حاجبيه بصدمة من إسلوبها الجامد ولكن سرعان ما ارتسمت ابتسامة ساخرة مقابلة على شفتيه قائلا بتهكم:
_ايه دة؟ مش شايف رعشة او خوف فى عيونك او جسمك، ايه واخدة حبوب شجاعة؟؟
نظرت له بعيون جامدة لتجيبه بنبرة ميتة وهى تتملص من يديه بهدوء مبتعدة عنه:
_لا واخدة حبوب لا مبالاة، معلهش بقى بطلنا إللى يعطلنا، علشان كدة قول إللى عندك وخلص
اتسعت عيني ادهم بصدمة من اجابتها الباردة لذا صرخ بها بغضب وهو يعتصر يديها فى يديه:
_سهيلة، بلاش امد ايدى عليكِ، انتِ عرفانى فى غضبى مبميزش بين حد ف اتلمى كدة مش ادهم الاسيوطى إللى…
قاطعته حينما رفعت يدها توقف حديثه الممل قائلة:
_بعد اذنك يا ادهم بيه، بطل الاسطوانة المشروخة دى
ثم بدأت تشيح بإنفعال وصوتها يعلو دون شعور:
_مش ادهم الاسيوطى إللى يتقاله كذا، مش ادهم الاسيوطى إللى يتعمله كذا، حافظى على حدودك وما متنسيش انتِ بتكلمى مين، انتِ بتكلمى ادهم الاسيوطى
ثم صرخت به بانفعال وهى تلتف حول نفسها بضيق: