تنهدت وقتها سابين وهي تنظر جهتها تجيبها بتعقل:
_وعملك ايه حبه غير وجعك يا ريم؟؟ انا متأكدة انه شافه فى عيونك وقرر يتجاهله ويشوف غيره يبقى اتجاهليه، تناسيه ومع الوقت التناسي هيخليكِ تنسي فعلا، ومتصدقيش اللى بيقولك ان القلب بيحب مرة واحدة.
القلب لو لقى الاهتمام هيحب، الحب بيولّد حب يا ريم، الاهتمام بيولد مشاعر والاحترام بيزودها، لكن لو فيه حب مع عدم الاهتمام الاحترام الحب هيموت، علشان كدة صدقيني حبك كان هيموت يا ريم في يوم من الايام
تساقطت دموع ريم وهي تجيبها بقهر:
_وقلبي يا سابين ووجعه؟
ابتسمت سابين وهي تربت على كتفها هامسة بحنان ممزوج بمرح:
_قلبك لسة وليفه مجاش ويوم ماهييجي هيملاه حب وفراشات، اختارى اللى يصونك مش اللى يتجاهلك يا ريم؛ لانك رقيقة ومش هتتحملي الشدة ومع اى صدمة هتدمرى
انهت كلماتها وتحركت تاركة الاخرى بينما نظرت ريم فى اثرها بتعجب ولكن وفجأة هبطت من سيارتها تهتف باسمها لتلتف سابين تنظر جهتها بتعجب لتبتسم وقتها ريم هامسة بخجل:
_ممكن رقمك لو مش هيضايقك؟
جعدت سابين حاجبيها وهي تسألها بتعجب:
_رقمى؟؟
اومات ريم يرأسها وهى تعيد خصلة من شعرها خلف اذنها مجيبة بخجل:
_بصراحة يعنى انا مليش غير صاحبة واحدة، بس يعنى مش بعرف اتكلم معاها فى المواضيع دي لاننا مش قريبين من بعض، بس انتِ حسيت معاكِ براحة فحابة اخد رقمك علشان يعنى لو مش هيضايقك اقدر ا…