_مفيش، هى صعبانة عليا بس مش اكتر، البنت كانت بريئة اوى وانا كسرتها.
كل بنت قابلتها او عملت معاها علاقة كنت عارف ديتها ايه وآخرها اية، كنت عارف انها مش بتدور عليا إنما على فلوسي، بتدور على وسامة تتباهى بيها قدام الناس؛ باكيدج واخداه على بعضه لكن ما اهتمتش بيا وبمشاعرى، إنما هى….
سحب الهواء داخل صدره يحاول السيطرة على عواطفه الجياشة ومشاعره المضطربة ليكمل بوجع وعيون مغرورقة بالدموع:
_إنما هى لا، هى ماكنتش بتدور على كل دة، هي كانت عاوزاني انا وبس.
كانت بتهتم بمشاعرى واحاسيسي، بتتوجع لوجعي، بتصدقني فى كل كلمة بقولها بمنتهى البراءة والصدق والحب.
قضم شفته السفلى يحاول السيطرة على ألمه وهو يكمل بحرقة:
_كانت بتعاملنى كإنسان وحبيب
ثم ارتفع طرف شفته العليا وهو يكمل بتهكم:
_ وانا اول حاجة عملتها ناحيتها ايه؟!! كسرتها ودوست على قلبها
بهتت ملامح عامر وهو ينظر جهة صديقه ليسأله بعدها بشك:
_انت حبيتها ولا ايه؟؟
تعالت ضحكات طارق ولكنها كانت جوفاء دون اى مرح ليجيبه بعدها بصوت فارغ:
_القلب دة مفيهوش مكان للحب، وبعدين انا فيه بيني وبينها أسوار ابعد من أني اقدر أعديها، هى فى مكان وانا فى مكان تانى خالص
ظل عامر ينظر جهته بتعجب ولكنه مع ذلك ابتسم وهو يجيبه بلا مبالاة: