ظل ينظر جهتها بصدمة وهو لا يستطيع استيعاب تلك القنبلة المدوية التى ألقتها فى الغرفة للتو.
هل بالفعل تُحَمّله مسئولية كل ما يحدث معها، ليهز رأسه وقتها علّه يخرج من هذا الجنون ليرفع بعدها سبابته يشير جهة صدره وهو يسألها بابتسامة غير مصدقة:
_انا!! ازاى يا سابين؟؟ وانا مالى؟؟ هو انا إللى قولتلك وافقى عليه واتخطبيله؟؟ ولا انا اللى كسرتك؟؟ ولا يكونش انا اللى رفضت انى اساعدك وكسرت مشاعرك وثقتك بيا!!
ردى عليا عليا يا سابين
انتفضت وقتها سابين من مكانها وهى تصرخ بغضب:
_ايوة انت يا سامح، كان فيها ايه لو فكرت تتجوزنى انا بدال ما تفكر فى غيرى؟؟ كان زماننا احنا الاتنين دلوقتى مرتاحين، لا انا موجوعة ومتألمة من انسان معندوش مشاعر، ولا انت موجوع من الوحدة والم الرفض والفراق
اتسعت عيني سامح بصدمة من حديثها فيبدو ان من كثرة صداماتها وألمها وخزلانها فقد اثر على عقلها ومنطقيتها ولم تعد تعى ما تقول لذا انتفض ناظرا جهتها بذهول وهو يجيبها بضيق:
_سابين!! انتِ واعية بتقولى ايه ولا زعلك أثر على مخك؟؟ من امتى فى واحد بيتجوز أخته!!
صرخت به بدفاع مماثل وقد بدأت تهرتل فى الحديث وتجرح الجميع بدون وعي:
_بس انا مش اختك يا سامح، انا بنت عمك، لازم تعرف دة كويس، ولا حتى انت كمان شايفنى وحشة ومش لايقة بيك!!