تنهد وهو يهبط من سيارته متحركًا صوب ذلك المقهى امامه عله يرتوي ببعض الماء وكذلك كوب من العصير المثلج ليعيد له حيويته وهو يجيبه بغيظ:
_قولتلك قبل كدة يا هشام انا مش هتجوز بطريقة الصالونات دي انما لما هتجوز هختار البنت اللي يشاور عليها قلبي
ابتسم هشام وهو يشعر بأن شقيقه قد بدأ يلين ليجيبه بتعقل:
_ يا انس يا حبيبي، احنا عارفين انك مش بتحب جواز الصالونات ومحدش قال انك هتتجوزها ولا هنتقدملها، كل الموضوع انك هتتعرف عليها عجبتك تقدر تتكلم معاها مرة تانية.
ومين عارف يمكن تحبو بعض وانت اللى تطلب انك تتجوزها
صمت هشام يترك له الفرصة بالتفكير ليكمل بعدها بهدوء:
_ انا عارف يا انس انك بتدور على حب حياتك بس مين عالم مش يمكن دي تكون قدرك وانت برفضك بترفض قدرك وحبك!!
الحب مش كدة يا انس، الحب مش فيلم ولا رولية من اللي بتقراهم انما بيبقى ليه طرقه المختلفة للدخول للقلب.
وبعدين لو هتقابل قدرك فانت لازم تسعى ليه هو مش هيجيلك لحد عندك ويخبط فيك ويقولك انا اهو
كان انس يستمع لشقيه بإنتباه ولكنه تاوه مرة واحدة حينما اصطدم به جسد ما بقوة
تاوه انس بتفاجؤ والم حينما شعر بقوة الضربة والتى كانت وللعجب لجسد غض و…. انثوى!!
احمرت أذني انس بحرج من الموقف وقد تعالى وجيب قلبه من الخجل ان هناك انثى لمسته لذا التف ليعتذر لها على عدم انتباهه ولكنه وللعجب وجدها لم تتوقف انما تهرع للخارج وكإنها تهرب من شيء ما…