اتسعت عيني مروان بصدمة من جملتها الوقحة والغير متوقعة ليتعالى بعدها صوت ضحكاته المرحة ليزداد غضبها اكثر وهي تهدر بجنون:
_بتضحك على ايه يا بشمهندس؟ رد عليّٰ، مين إللى ردت عليّٰ دى؟ وبصفتها ايه تمسك تليفونك؟
ايه هو انت بتتباسط مع الناس كدة ولا فيه حاجة تانية انا معرفهاش؟
ولكن لم يصلها غير سوى صوت ضحكاته التي تتعالى وهو يتخيل ملامحها الحالية، وجنتيها الحمراء الشهية والتى اصبحت تحاكي ثمر التفاح، شفتيها المزمومة بضيق طفولي كطفلة صغيرة بينما عينيها الرصاصية والمحتدة ولكن ان دققت النظر بهم ستجدهم لامعين بدموع الكسرة والألم ناهينا عن وقفتها المحتدة والغاضبة والغير مناسبة لما تشعر ليهمس وقتها بابتسامة ماكرة وهو يتحرك ليجلس على مقعد مكتبه براحة :
_غيرانه!! مش معقول، بقى لوجين السيوفى هتعيط من غيرتها!! دي حاجة ولا في الاحلام
قضمت شفتها السفلى بغيظ، لكم يغضبها ان تكون امامه ككتاب مفتوح يحفظ جميع سطوره عن ظهر قلب لتصيح به بانفعال:
_حقي، وانت حقي
ليبتسم وقتها بحنان وقد التمعت عيونه بالعشق جهة هذه الصغيرة المتوترة والتي لم تدرك بعد بأنها استوطنت قلبه كاملا ليجيبها برقة وعتاب لطيف:
_لوجى يا حبيبتى، بيتهيألي انك اكتر واحدة عارفانى وعارفة انى مش ببص لحد وانى راجل بقلب واحد لست واحدة.