تنهد انس من هذا الحوار الذي لا ينتهي والذي اصبح لا يتحدثون سوى به، امر زواجه فقط.
الجميع لا يتحدث سوى به، والده، والدته، شقيقه وحتى زوحة شقيقه!!
انتبه لصوت شقيقه وهو يكمل بتفهم:
_تمام…، موضوع ريناد الممثلة دي عارفين انه فايك ومش حقيقي وانت مش متقبلها
اجابه انس بحسم:
_ولا هتقبلها ابدًا، البنت دي ابعد ما يكون عن فتاة احلامي، وبعدين انا مش عايز اتجوز واحدة مصطنعة في كل شيء انما عاوز اتجوز بنت حقيقية
اومأ شقيقه برأسه ليجيبه بمهادنة:
_ اوكي تمام موضوع ريناد منتهي بل واي واحدة من الوسط الفنى فيه ومحدش هيجيبلك سيرته
صمت يترك لشقيقه فرصة الهدوء ليكمل بعدها هشام بتعقل:
_ بس هيكون فيها ايه لما تقابل البنت اللي انا جايبهالك؟؟ البنت من عيلة كبيرة وغنية ومثقفة ومحترمة وراقية جدا، وكمان بسيطة في التعامل يعنى مشابهة لكل صفات فتاة احلامك يبقى ليه الرفض!!
ومتقوليش انك هتختار البنت لان كل البنات اللي بتتعامل معاهم من الوسط الفني اللى انت رافض الاقتراب منهم. معنى كدة ان سيبنالك الحرية مش هتختار بنت لانك معندكش علاقات اصلا
قضم انس شفته السفلى بغيظ وهو يقر داخله ان شقيقه مصيب فى حديثه ولكنه مع ذلك لا يرغب بهذا، لا يرغب بهذه الطريقة من الزواج.