ثم أردف بضيق مكبوت وهو يحاول التحكم بغضبه:
_واذا كان مش عاجبك حالى وحياتى انا ومراتى اللى بتوصلهولك امى، وزى ما قولتلك انت بتسمع الكلام زى النسوان اللى مستنية الفضايح، كمان انا مش عاجبنى حالك مع مراتك اللى كل يوم والتانى الدكاترة داخلين طالعين يعالجوها.
واللى بيته من ازاز ما يحدفش الناس بالطوب، فياريت تفضل فى حالك وماتدخلش فى حال غيرك
وكأن ذاك الادهم ما جاء الا ليوقد النيران له لذا قال:
_ما هو دة اللى مزعل مامتك انك ما اثبتش رجولتك ليها
ابتسم قاسم بسخرية وقال بتهكم:
_انت بتتريق؟؟!! بتتريق على مين و على ايه ؟؟ عليا؟؟!!
اهو على الاقل أنا برفق بيها، عمرى فى حياتى ما مديت ايدى عليها لانها فى رقبتى وهتحاسب عن معاملتها يوم القيامة.
ثم أكمل موضحًا:
_ما هو عمر ما كان انك تمد ايدك على مراتك رجولة ابدا يا ابن عمى دى دنائة، وهتتحاسب عنها قدام ربنا، ومش عاوز اقولك ان اللى بيمد ايده على مراته مش راجل
_قاسم!!!
صرخ بها ادهم بصوت جهورى غاضب مما دفع قاسم للابتسام بتهكم ثم اكمل بذات السخرية المريرة:
_قولتلك لا تعايرنى ولا اعايرك الهم طايلنى وطايلك
كلاهما يعتمدان الطريق الخاطئ لقلب الانثى، الانثى أبيه وهذا ما لا يفهمانه، فقلب الانثى ان غفر يوم والثانى وتسامح فى الثالث سيمقتك مؤكدا فى الرابع وينتقم منك فى الخامس، فلا تنتظر حتى تصل الى هذه المرحلة معها
____________________