_ لوجين!! لوجين مين دى؟؟
_ لوجين جمال السيوفى
______________________
تحرك ليدخل المكتب بعنجهيته المعتادة دون ان يكلف نفسه عناء الطرق على الباب، رفع الاخر وجهه لينظر للداخل ثم اعاد وجهه لما امامه بكل جمود وبرود.
نظر له الاخر وهو يزم شفتيه بغيظ، يقر انه من الصعب ان تتخذ من هذا التمثال أمامه أى ردة فعل سوى الجمود، لينظر له بسخرية وهو يجلس على الكرسى رافعا قدميه على تلك الطاولة الصغيرة قائلا بتعجب:
_نفسى اعرف يا اخى مراتك متحملة كتلة البرود والتلج اللى انت عليها دى ازاى؟؟
لم يكلف نفسه عناء رفع عينيه عن الاوراق امامه ولكنه اجابه بسخرية قاسية:
_لا تعايرنى ولا اعايرك، الهم طايلنى وطايلك
كتلة من الجليد وكأنه يعيش بالقطب الشمالى هذا هو ابن عمه
نظر له بسخرية وقال بتعجب:
_قاسم، هو انت كدة حتى مع مراتك؟ انا حتى صعب عليا ان انا اتكلم معاك
اجابه قاسم وهو يضرب المكتب بيده قائلا بتحذير حانق:
_ادهم، ياريت تخليك فى حالك وتحترم نفسك
ثم نظر له بإشمئزاز وهو يهتف بقرف:
_ وبلاش تتكلم زى النسوان اللتاتة علشان بحس انى بقرف لما بسمعك، وبلاش تتكلم مع امى وتسمع منها كتير لانى كمان شوية هلاقيك قاعد جنبها على الكنبة وبتمصمص فى شفايفك زيها