_ ريم انتِ بتعيطى؟!! ايه إللى حصل وضايقك كدة؟ فيه حاجة تعباكِ؟
وكأنها وقتها قد أخذت اذنا بالانهيار وقد انهارت واجهته الجامدة:
_انت، انت اللى تاعبنى يا قاسم، تجاهلك ليا ومعاملتك على انى شيء مش مهم فى حياتك هو ده اللى بيألمنى، تجاهلك لمكالماتى وعدم اهتمامك بوجودي.
صمتت لترفع عيون جريحة جهته وهى تكمل بعتاب:
_ طيب ما حاولتش حتى تفكر فى انك ترد عليا؟ مش يمكن اكون تعبانة او جرى ليا حاجة وبتصل اطلب نجدتك علشان تلحقنى؟
اذا ليه تتجاهلنى يا قاسم؟؟
وكعادته المقيتة، ابتسم وهو ينظر فى عينيها يجيبها ببرود متجاهلًا اغلب حديثها وكإنه لم يسمعه:
_وهتكونى فى خطر ازاى وانتِ مخرجتيش من البيت؟
نظرت له بذهول وهى تسأله بتعجب:
_وانت عرفت منين ان انا فى البيت على الرغم من انك مردتش عليا؟
رفع كتفيه وانزلهم قائلا بلا مبالاة:
_من ماما، اتصلت بيها واتطمنت عليكم وعرفت انك فى البيت
سهم قوى ضرب فى منتصف قلبها من اجابته الباردة، ربما تكون اجابة طبيعية بالنسبة له ولكن بالنسبة لها فهو لا انما هى اهانة لقلبها ومشاعرها لذا رفعت عيون ملتمعة بالدموع جهته قائلة بألم تملك منها:
_مامتك!! يعنى ترد على مامتك وتطمنها عليك وانا تتجاهلنى تماما وكإنى مش موجودة!!