رواية أحاسيس مفقودة الفصل الأول 1بقلم شروق فتحي
رواية أحاسيس مفقودة الفصل الأول 1
الفصل الاول #رواية_أحاسيس_مفقودة
_من ساعة ما شوفته هنا… وانا بستنى ان هو يجي كل يوم بس تقريباً كده هفضل منحوسه…ومش هشوفه تانى!
زميلتها وهي تكتم ضحكاتها:
_أنتِ لسه حاطه في دماغك يا بنتي ده عدى على موضوع ده سنه!
وهي تضع يدها على دقنها بتفكير:
_بس سمعت هو بيجي الملجأ كل فتره!…بس تعرفي لما بصيت في عيونه كده حسيت في حزن جواها كبير!
وهي تهز كتفيها:
_مش عارفه…بس الأطفال بيحبوا أوى…بس بحسه مغرور أوي!
وهي تنعدل في جلستها:
_ما هو طبيعي يا بنتى أنتِ مش بتشوفي غنى ازاى!
زميلتها بتفكير:
_أقولك أسألى أستاذه “لمياء”!…دي هنا من سنين!
لتهز رأسها بتوتر:
_لأ طبعًا..هقولها ايه يا بنتى!
وهي خارجه من مكتبهم، لتصدم في شخص وهي ترفع من صوتها:
_ايه أنتَ أعمى؟!
لينظر لها وهو يضغط على أسنانهُ بغضب:
_هو في حد بيمشي وهو باصص لورا!..انسانه غبيه!
وهي تضغط على قبضة يدها، وقبل أن ترد عليه، تتدخل أستاذه لمياء:
_أستاذ” أنس” أهلًا..أهلًا بحضرتك!
وهو يشيح بنظره لأستاذه لمياء:
_في ايه يا أستاذه “لمياء” بقيتوا بتشغلوا أى حد كده!
وقبل أن تجاوب تقترب لمياء منها وهي تضغط على يدها محذّرة:
_بنعتذر لحضرتك عن أى تصرف ضايق حضرتك!
لينظر لتلك الواقفه التى تستشاط غضبًا بنظرات كأنها بنزينًا تجعلها تزيد من تلك النيران، ليشيح بنظره ويدخل المكتب بصحبة أستاذه لمياء، لتركل الأرض بغضب، لتأتى زميلتها من الخلف:
_يعنى مستنية من سنه..ويوم ما تشوفوا بعض…يحصل ما بينكوا كده!
وهي تزفر نفسًا يبوح عن ما بداخلها من غضب:
_مستفز!
🥰✨🖋بقلم شروق فتحي🖋✨🥰
لتتجه إلى غرفة المتواجد فيها الأطفال، وما هي الأ دقائق لتجد أحدًا يفتح الباب، ليركض اليه الأطفال بسعادة، بينما هي كانت تختلس النظر اليه، وبدون أدراك بدأت الابتسامة تزين وجهها، ليرفع نظره وعندما ألتقت أعينهم أشاحت بنظرها بغضب، ولكنه لم يعرها أهتمام، وهو كأنهُ يبحث عن شئ مهم، وأخيرًا يعثر على ما كان يبحث عنه، ليقترب من طفلًا صغيرًا:
_مش جيت تسلم عليا ليه؟!
وهو عاقد يديه أمام صدرهُ بضيق طفولى:
_علسان أنتَ مس جيت من زمان!
ليقترب من مستواه:
_أنا أسف يا عم…معلشي كان عليا شغل قد كده!
بينما تلك الواقفة تراقبه والابتسامة تزين وجهها، لينظر لهُ بتفكير:
_طيب مش هتتأخر عليا تانى!(ليومئ لهُ رأسهُ، ليمسك الطفل يد أنس وهو يتجه نحوها) ميس “ريتال” يا بابا أكتر واحده بحبها!
لينظر له أنس بغيره طفوليه:
_يعنى أكتر منى!
ليفكر وهو يضع يديه على دقنهُ:
_لأ أنا بحبكوا أنتوا الاتنين كتير!
ليرفع نظره أنس لتلتقى أعينهم لتنظر ريتال في أتجاه الأخر، ليفعل هو أيضًا كما فعلت.
ليمر الوقت ويذهب أنس، لتقف ريتال امام مكتب أستاذه لمياء بتردد، ولكنها تستجمع شجاعتها، لتطرق على الباب وتدخل، وهي تبتلع ريقها بتوتر:
_أستاذه “لمياء” كنت عايزه أسأل حضرتك سؤال!
لمياء وهي تعقد حاجبيها:
_خير…بس قبل ما تسألى ايه اللي أنتِ كنتي هتعملي مع أستاذ “انس” ده!
وهي تحرك يدها خلف عنقها بتوتر:
_ده هو اللي غلط فيا!..بس المهم…احم هو بيجي من زمان هنا؟!
وهي تتذكر:
_يااا من زمان أوي…بس أشمعنى؟!
وهي تحرك عينيها بتفكير:
_أصل برضو شكله مش كبير…يعنى مثلًا هل بابا كان بيجي فهو بيكمل مسيرتهُ؟!
لتهز رأسها بنفى:
_لأ، من ساعة ما بدأ يتبرع هنا وهو اللي بيتبرع بنفسه.
وهي تضع يدها على ذقنها بتفكير:
_غريبه!
في الجهة الأخرى صديق أنس:
_كان اليوم أنهارده اللي أنتَ بتروح فيه!
وهو يرجع ظهره بشرود:
_أيوه!
ليلاحظ صديقه شروده:
_مالك ايه اللي واخد عقلك كده؟!
ليأخذ تنهيدة، وهو يهز رأسه بنفى:
_لا أبدًا مفيش حاجه…
صديقه وهو ينظر له باهتمام:
_مش فاهم هدفك أنك تفضل تروح ملجأ!
ليأخذ نفسًا عميقًا:
_وايه المشكله في اللي أنا أعمل الخير يا ابنى!
ليحرك كتفيه بتعجب:
_طيب أسيبك أنا هروح أكمل شغلى.
ليومئ رأسهُ، وما أن خرج صديقه ليرجع رأسه للخلف وهو يأخذ نفسًا عميقًا:
_على الرغم اللى وصلت لي…بس…
ليقاطع تفكيره دخول صديقهُ:
_في ورق مهم محتاجك تراجع عليه!
في الجهة الأخرى كانت ريتال تهز قدميها بتفكير:
_أنا لازم أوصل لملفه… ملف تبرعات بتاعه أكيد في سر في الموضوع…
لتنهض فجأة، وكأن قرارها حُسم في لحظة، وعيناها تلمعان بإصرار،…..
!!!!
نهاية الفصل أتمنى أن يكون نال أعجباكم(هل هناك أمر يخفيه أنس؟!)
#للكاتبة_شروق_فتحى
عشاق الروايات 2 🖍️🌏
يتبع
رواية أحاسيس مفقودة الفصل الثاني 2
الرواية كامله من( هنا )