رواية ضحية امي الفصل الخامس 5 بقلم جمانة السعيدي
رواية ضحية امي الجزء الخامس
رواية ضحية امي البارت الخامس
رواية ضحية امي الحلقة الخامسة
رحت ويه خالي البيتهم بس ولله كلبي ما يطيني ابد
اخاف على امي خاف يسوي بيها شي
هيج انسان يخون الامانه وداخل على طمع كلشي اتوقعي منه يسوي
بهاي الهوسه انتبهت صار يوم مهند مامتصل بيه ابد
اني التهيت ويه امي وخالي جان كاعد عدنا
والشرطه اجت سوت كشف للمكان علمود الذهب والفلوس
ولا قريت ولا اتصلت بمهند وهو مايتصل هواي خاف يشغلني على القرايه
طلعت كتابي وكمت اقرا
رجعت سديت الكتاب مجاي استوعب فكري كله يم امي
تندمت ليش عفتها اخاف عليها
النهار كله ما اتصلت عليه
ولا كالت ارجعي البيت مو حلو من دونج
واني عقلي طاير ما اكدر اقرا
يمكن ااجل الامتحانات السادس يرادله تركيز
واني مجاي اكدر اركز ابد
اتصلت بمهند رد عليه وسئلني شلونج حجينه شويه وكتله اني يم بيت خالي كم يوم لان عندي خلاف ويه امي
لقاء مهند بعدك تريد تتزوجني
مهند ليش تسئلين
لقاء اذا بعدك تريدني تعال هسه اخطبني من خالي اني موافقه
…والامتحانات
…اريد ااجل الامتحانات السنه
… اوكي خل اضبط اموري ونحدد موعد وارجع اتصل عليج
حبيبتي لازم الخلاف قوي هلمره ويه امج
…يعني لاتخلي ابالك المهم انتضر منك اتصال حتى افاتح خالي بهذا الموضوع
.مهند …ان شاء الله يوم عيد تجي حبيبتي يمي
سديت التليفون واني الحيره ماكله كلبي
ما اعرف الي جاي اسوي صح لو غلط
شنو الصح ياترى
ارجع الامي واحاول احميها
لو اعوفها تعيش التجربه وتتحمل ثمن اختيارها الغلط
لو امتحن وانجح لو ازوج واعيش حياتي
اريد واحد جبير يفهم ويفهمني شنو الصح وشنو الغلط
ولله اني مو حمل هيج مسوليه ابد
بيت مهند
مهند امي اريد افاتحج بموضوع مهم
…اي كول شنوووو
…اريد ازوج
…هسه تزوج بس بعدك ما مكمل غير تكمل كليه وتتخرج وبعدين تختار بت الحلال المناسبه ونخطبها
…اريد هسه على الاقل اخطب وابدي اجهز نفسي
…لازم عندك وحده
…اي
….طالبه وياك بلكليه اذا طالبه وياك اتخرجوو بلاول وبعدين تتزوج
…لا مو طالبه وياي بس وحده احبها من زمان
….يمه من زمان ليش انت شكد عمرك ومن زمان
…احبها من جنت بلسادس
…زين اذا مصمم كول بيت منو واني احجي ويه ابوك
ويصير خير
انت الجبير واتمنى ازوجك اليوم قبل باجر
….هي جيرانه وانتي اكيد تعرفينهم
…يالله زين بيت منوووو
…بيت ابو لقاء اقصد العقيد ابو لقاء بتهم لقاء
…انت تحجي صدك
…اي ليش لا طبعا احجي صدك
…لا يمه هاي ما مقبوله منك ابد
…ليش
…يمه هاي سمعت امها زفت بس استشهد زوجها كامت تعرف زلم اشكال واللوان
وكلهم شباب بعمرك
وحتى مجموعه شباب تجي تسكر عدهم
وصار كم يوم اجت الشرطه يكولون مبيوكين ذهب وفلوس عدهم
لا يمه اني هيج ناس ما اتشرف اناسبهم ابد
اختار غير وحده وتدلل
…يمه اني احبها ومتعلق بيها بعدين هي شنو دخلها بموضوع امها
…انت شنو تغشم نفسك اكلك شباب اشكال داخله وطالعه
بعدين شمدريك هي مو مثل امها
اذا ما تصدك روح اسئل الجوارين عليهم
لا يمه اختار وحده بت حلال اصونك وتقدرك وتحافظ على بيتك اذا الامايه هيج شتتوقع من بتها
مهند كلام امي صدمني طلعت وبديت اسئل شبابا المنطقه
وكلهم أكدو كلام امي
الناس كلها تحجي بسمعتهم
ضليت دايخ وحاير شلون راح ازوجها وهذا الكلام كله عليها هي وامها
قررت ااجل الموضوع لمن اتخرج صحيح اني احبها
بس اذا هاي سمعتهم
شلون راح أأمن على بيتي واطفالي بلمستقبل
لقاء صار يومين مهند مامتصل بيه واني اتصل وما يرد ابد
دزيت رساله وثنيين ومآ كوووو
اتازمت حالتي بلزايد جنت احجي ويه مهند ويخفف عني
هسه لامهند يرد عليه
وحتى امي اتصل وما اجاوب ابد
ضليت بقلق شلون ياربي مهند وين صار ليش ما يرد عليه
مر اسبوع واني اتصل بس بدون فايده مايرد عليه
والامتحانات بدت واني مارحت ولا امتحان
خالي يلح عليه يكول امتحني
شلون امتحن واني ما اكدر افتح الكتاب ابد
بعد ما اكدر اصبر ابد كلت الخالي اريد اروح اشوف امي
خاف هذا ذبحها ودفنها
كلشي يسوي هذا انسان بلا اخلاق
وصلني خالي وكال ابقى انتضرج
…لا خالي روح اني ارجع وحدي لاتخاف عليه
خالي ما قبل يدخل لان زعلان على امي
اني عندي نسخه من المفتاح فتحت الباب ودخلت
لكيت امي كاعده ولازمه راسها باديها
بس شافتني حاولت تغطي وجها
اني اتقدمت عليها وسحبت ايدها شكلها تعبان والمكان
الجو عينها ازرك مضروبه علي
لقاء منو سووو بيج هيج
امي وكعت
…شنو وكعتي هاي ضربه ضربج الله لايوفقه
موكتلج مايفيدج عوفي
رحت جبت ثلج وخليته بقماش
رفعت راسها وخليته جوا عينها حتى بخف الزراك
….ليش ضربج اكيد راد فلوس
….اني ماعندي فلوس صار يومين بلا مسواك وهو ما رجع للبيت
….والراتب وين وديتي
…..هاااا من استلمته انباك مني
…لا ما انباك منج أخذه الشفيه اصلا هو علمود الراتب كاعد هنا ياكل ويشرب ويصرف براحته
امي انتي ليش اجيتي هسه جايه تتشمتين بيه
لقاء ماما اني بنتج شلون اشمت بيج ولله ما انام بليل هلكد ما اخاف عليج
ما ما عوفي هذا الاختيار غلط
اذا تردين تتزوجين من حقج بس موهذا الإنسان المناسب
اللج اختاري واحد بعمرج
امي لقاء اسكتي لاتحجين وزودين وجع كلبي
اني احبه ولله احبه واموت علي احس نفسي عمري ١٥ سنه واني وياااا
عوضني كل سنييني الفاتن
اكيد هو راح يتعدل وضعه هو يحبني بس شويه ضروفه صعبه
لقاء ولله ما يحبج يضحك عليج يضحك عليج افهمي يمعوده
زين رجعلج الذهب والفلوس
امي بعدهم ما بايعين البيت بس ينباع بيتهم يرجعهن اليه
لقاء يمه يااا بيت رحمه الاهلج انتي شنو عقلج مسحور
ليش ما تصدكين يضحك عليج
امي لقاء عوفيني مالج شغل بيه هذا قراري واني اتحمل مسوليته
لقاء اني عندي فلوس رحت اتسوكت الامي فواكه وخضار ودجاجه
ورجعت طبخت الاكل وكعدنا ناكل اني وياها
اتصلت بخالي كتله اني ما اكدر اعوف امي راح ابات يمها اليله
كل شويه اتصل ومهند ما يرد ابد
دزيت مسج وثنيين وماكوووو
قلقت علي كلش مو من عوايده يختفي هيج
على الاقل كل يوم يدز مسج يطمن عليه
امي دخلت اتنام واني رتبت المطبخ ودخلت غرفتي رتبتها وسمعت امي تحجي بلتليفون
حبيت اسمعها شتكول
امي جانت تتوسل بي حتى يرجع للبيت
يعني ضاربها ما خذ الراتب وعافها بدون مسواك
وبعدها تتوسل بي
ولله تعبت من امي وين اروح منها ضيعت نفسها وراح اضيعني وياها
لوشايفين شلون تتوسل بي
على هذا كلامها