رواية حب مختلف الفصل الثامن والعشرون 28 بقلم سلمى محمد
رواية حب مختلف الجزء الثامن والعشرون
رواية حب مختلف البارت الثامن والعشرون
رواية حب مختلف الحلقة الثامنة والعشرون
عمار: كنت مستني الدكتورة وانا متوتر بعد جات طالعم ان قلت ليها احكي قالت لي م تخاف مرتك كويسه وحتي الطفل بس المدام صحتها م تمام عملت ليها بعض الفحوصات انشاءالله خير بس اهم شئ تبعد من التوتر بعد شوية ديل جو عزالدين سلم علي الدكتورة واتكلم معها مسافه امي دخلت لي فاتحه ل اول مره م يكون عندي القدرة اني اشوف فاتحه خايف تتوتر وب صراحه انا ذوتها معها ب الكلام م راعيت انها حامل بس خلاص من اليوم ح احول م انفعل خالص كتبو ليها درب بعد انتهي النتيجه طلعت طلع عندها التهابات و دمها بسيط غير الضغط النفسي الدكتورة قالت لي بعض التعليمات كان عزالدين قاعد عزالدين عمار دقيقة مشينا كافتريا الفي المستشفى عزالدين قال لي عارف انو الموضوع شخصي شوية بس لازم اتكلم فاتحه عانت عشان تبقي دكتوره يمكن السبب المخليها تعيش فجأه الحلم ده اتبخر اكيد صدمه وفوق ده كلو هرمونات الحمل لازم تكون جنبها وتحاول تكون هادئ لي اعلي درجه ممكنه فاتحه محتاجه ليك ي عمار هي لا عندها ابو ولا ام ولا اخون والاخوات انت كل حاجه ليها في الوقت الحالي خليك قريب منها حتي لو هي حاولت تبعد منك حتي لو قالت ليك كلام حار وم تنسي فاتحه صاح عقلها كبير بس عمرها صغير عمار انشاءالله ي عزالدين
فاتحه: الدكتورة كانت معي قالت لي حمدلله السلامه بس لازم تنتبهي علي نفسك انتي جواك روح في نسوان كتيره اتحرمت من انها تكون ام وانحرمت نعمة الامومه وهي نعمه م ساهلة حاولي قدر الحاجه دي واهتمي ب نفسك عشان البيبي قلت ليها سمح الحياة بتلعب معي لعبه غريبه جدا بعد شوية عمار جه وم رفع راسو اصلو عاين لي قال لي حمدلله السلامه نمشي عدلت العبايه وطلعت
عمار: م عاينت ليها م عارف خوف ولا خجل كلام عزالدين صحي انا الكبير لازم كان اتحكم في نفسي طلعنا وكانت ساكته نزلتها في بيتنا قالت لي ماشي بيتي مشينا ب هناك رقدة في الكنبه مشيت جبت ليها اكل وجيت اكلت ورقدت غطيتها وبقيت قاعد جنبها بعاين ليها وهي مغمضه كيف وصلنا لي هنا كيف حيتنا بين يوم وليله اتغيرت حتي شكل فاتحه اتغير بقيت شاحبه شديد ب عاين ليها لمن نامت رقده في الكنبه الجنبها خفت انها تتعب وم احس بيها في الليله وانا نايمه حاسه انو في زول بزحني فتحت لقيت فاتحه زحت يدي ورقدت في حضني ضميته علي وبست رأسها فاتحه محتاجه لي يمكن اكتر م انا محتاح ليها بس زعلانه عشان حلمها ضاع وده شي طبيعي م ح اخليها وحدها
فاتحه: وانا راقده جاني حلم اني براي في نص الصحراء و بكورك ب اعلي حسي بس مافي زول بجي خفت قمت لقيت عمار راقد مشيت رقده جنبو وهو علي طول حضني ب الجد محتاجه لي شديد اليوم داك كان اول مره بعد حملت انوم مرتاحه قمت الصباح لقيت عمار بعاين لي من صحيت قام وقال لي صباح الخير قلت لي صباح النور انسحب وجه علي الغطاء قال لي تمي نومتك انا ماشي الجامع اصلي
عمار: صحيت بدري وبقيت اعاين ليها وسارح في ملامحها انشاءالله اولادي يطلع عليها ح افضل جنبها مهما عملت ح اكون جبنها لاني بحبها وبعشقها مستحيل اتخلي عنها الدنيا كلها حاجه وفاتحه حاجها حسيت بها صحت قمت من جنبها عشان امشي الجامع
فاتحه: بعد عمار مشه انا قمت استحميت غيرت وسرحت لبست لي جلاب وجيت صليت وقريت قران عمار جه داخل قال لي حرمنا قلت لي جمعنا جه كعد جنبي في المصلايه مسك يدي قال لي انا اسفه انا غلطان انفعلت فيك بس والله العظيم كلو من حبي ليك م عايز افقدك يمكن بتصرف معاك في بعض الاحيان غلط بس ده كلو من حبي ليكي فاتحه خلينا ننهي القصه البينا ونكون مع بعض
فاتحه: ربنا يسهل وحضني قوي قال لي مشتاق ليكي عليك الله تاني م تبعدي مني بعد شوية الباب ضرب
عمار: قام فتح طلعو ناس عمتي جابو الحاجات جو يشروب معنا الشاي عايزة اجيب الكبابي من المطبخ عمار قال لي خليك انا بمشي عمر قال لي دي نهاية الزواج تشتغل في البيت علم قال لي طول السنه هسي بتشتغل م جات علي شهور هو يشتغل فيهم عزالدين قال لي والله ي علم دفاعك عن حقوق المراءة الجه فجاه ده حيرني عمر قال لي مش عامل فيها نشاط اجتماعي بكون عايز لي وحده قالت لي م بشتغل في البيت عشان كدا بحاول يتعود ضحكو قلت ليهم علم ده مواصفات الرجال المثالي بعرفي يخلي الانثي مع مبسوطة ولو حسه انو م بيقدر يسعدها بنسحب م بيوعد ويخلف عمر قال،لي ود الاصول يوعد ويخلف ديك ضحكو.
عمار جه بقي يعاين لي كبه الشاي وجاب لي حليب وكعد جنبي عمتي قالت لي انت الليله م ماشي الشغل قال ليها لا قلت لي عمار امشي انا كويسه لو تعبته عمتي كاعده قال لي لو مشيت م ح اكون مرتاح عشان كدا اخير اكعد
عمار: تعبت فاتحه امبارح خوفتني شديد علي فاتحه قلت من الاحسن افضل جنبها ديل مشو وانا قلت لي فاتحه انتي ارتاحي لميت الحاجات و بقيت اسوي الفطورة
فاتحه: تلفوني ضرب طلعت رزه قالت لي جاية اشوفك قلت ليها تمام جات عمار كان جوه قالت لي الف مبروك الخبر ده م اعرفو الا من علم قلت ليها عندك قناة الحدث م محتاجه لي انتي امورك كيف قالت لي ظابطه قال الليله ح يكلم اهلو يعني انتو بعد داك انا اوري اهلي ونشوف البحصل شنو قلت ليها انشاءالله خير علم شاب مافي منو ربنا يسعدكم قالت لي وانتي كيف قلت ليها انا عايشه مرحله اسمها وبعدين منتظره اشوف الدنيا داسه لي شنو حياتي بقيت عامله ذي الساقيه يوم فوق ويوم تحت قالت لي والمنحه الناس سافرو امبارح قاعدين كدا وحده من صحبتنا الفاتو اتصلت ايمو مناسك ولا سوكه ذي م نحنا بنقول ليها
سوكه: والله العظيم فاقدنك بس قالو لي حامل
فاتحه: اي
سوكه: الف مبروك تلدي ب السلامه بس ب الجد السفره م ليها طعم من غيرك انتي اكتر وحده كانت متحمسه فينا اصلا م فكرنا اننا ح نمشي من غيرك
فاتحه: ي ستي دي الحياة تخطط حاجه وتحصل حاجه
عمار،: كنته واقفه وبسمع في كلام فاتحه ب الجد هي حزينه حتي شكلها لسه الموضوع مؤثر معها