رواية حب بعد الزواج الفصل السادس 6 بقلم جمانة السعيدي
رواية حب بعد الزواج الجزء السادس
رواية حب بعد الزواج البارت السادس
رواية حب بعد الزواج الحلقة السادسة
خلف…بقيت واكف ومصدوم هذا الحيوان عينه على عرضنا
بشرفي اله اندمه على الساعه الي فكر بيه يقرب على رشا
اول مره احس هيج احساس يمكن لان ماعندي اخت
لو عندي اخت وواحد يقرب عليه اله انتقم منه
شافه غشيمه وكاعد يضحك عليه
اني الي اعرفه واعرف حقيقته زين
اله اسوي بي دكه ماتتسولف
لا تكولون انت جنت توكف الامل وتوصله للدوام
اني اختلف ليش اختلف
اني مامعروف عني صاحب علاقات مثله
امل اول حب بحياتي
اني كنت صادق ويا اا امل واريد ازوجه
بس هذا سمعته على كل السان ويعرف بنات اكثر من شعر راسه
جمعت كل الجهال الي بلشارع جمانه السعيدي وكتلهم كل واحد انطي درهم بس بشرط تنفذون الي اكللكم علي
كلهم فرحووو
اتفقت وياهم كل واحد يترس جيس لو علاكه من السيان الي بلشارع ( ماي المجاري لان قبل كل شارع بي نهر مال مجراي بنص الشارع ) ماي المجاري متحول لون اسود
وريحته تكتل
وكل واحد يصعد على سطحهم وبيده جيس بي مي مجاري
بس يشوفون يدخل
اني فوك سطحنا ااشررلهم يشمرون الجياسه علي
صعدنا وبقينا ننتضره والجهال مكيفين يحسون نفسهم
جنود مارينز وكانما هذا العمل الي راح ينفذووا اهم عمل بحياتهم
بقينا اكثر من نص ساعه واحنا ننتضر
هو دخل للشارع لا بس قميص ابيض وبنطلون اسود
يلمع من راسه الحد رجلي والعطر والشعر
يمشي على كيف يمكن عندا موعد وياها
هو وصل كبال بابنا واني انطيتهم الاشاره
صوفرت واشرتلهم باايدي
عينكم لاشافت من راسه الحد رجلي صار قطعة سوده
وماي المجاري ينزل من راسه الحد رجلي
كام مايشوف بعيونه
يريد بس يطلع من شارعنا مايشوف
صعدت على الحايط وكتله اعتبر هاي كرصت اذن اذا عدته مره ثانيه تروح روحك بيه
الجهال طلعو يركضون فرحانيين بانجازهم
كل واحد انطيته درهم
الدرهم يعادل الربع هسه
ماحجيت اي شي الاهلي لان اني اعتبرت هذا الموضوع انتهى ومستحيل سالم راح يقرب على رشا مره ثانيه
بعدها التحقت للجيش
لكن هذا الحقير مامتنع واعتبرها شغلة عناد
سالم…شفتي ابن عمج شسوا بيه
رشا…شسوه
سالم…جمع جهال الشارع وخلاهم يشمرون عليه ماي مجاري
رشا…ليش انت شسويتله
سالم…لان امشي وياج شلون حاقد لان تحبيني وماتردي
رشا….عوع شنو احبه اني احب هذا المتخلف
لا واسمه خلف انت شايف رشا وخلف
اصلا شغله اتضحك
اصلا اني ماأحب بيت عمو بس الضروف جبرتنا نجي يمهم
سالم……مسوي نفسه ماكو منه
وهو كله تعرف شلون جان لازم الشارع يحب وحده
ويوميه لازمله الشارع كله تعرف قصته
بعدين ضربته بوري وراحت ازوجت واحد غيره
حيل يستاهل
رشا… حبيبي مالك شغل بي لو يموت لو يبقى اخر واحد بلدنيا هم مااقبل بي
سالم…حبيبتي ليش مااشوفج العصر ولله اشتاقلج
رشا…ماعندي حجه اطلع بيه اصلا اني افكر شلون بلعطله
راح اشوفك
سالم…لا لا لا تكولينه شنو مااشوفج
رشا…تعرف هنا ماعدنا اقارب بس بيت عمووو
ولا عندي صديقات
سالم…مااعرف شوفي اي حجه
رشا…راح تبدي عطلة السادس راح اكعد علمود القرايه
سالم…كل يوم راح اكتبلج رساله
واخليه جوه الطابوكه الي بابكم
كل يوم راح تلكين مني رساله
رشا…اذا لكيت عذر اشوفك بي اكتبلك رساله وتعال بليل اخذها
سالم…اي اني بالنهار مااكدر ادخل شارعكم اخاف يسسون بيه شي عاد بليل محد يشوفني
خلف…نزلت مجاز واني مطمن كلشي انتهى بين سالم ورشا بعد المصيبه الي سويته بي
هلمره من نزلت لكيت اهلي مشترين تلفزيون
الفرحه شكبرها صار عدنا تلفزيون وراح نشوف افلام ومسلسلات ونسمع الاخبار
اني كل ماانزل مجاز اروح للسينما اشوف فلم
السينما قريبه على السوك والدخلوليه رخيصه
كل مره اروح اشوف فلم وخاصه العادل أمام كلش احب افلامه
المهم لكيت اهلي مشترين تلفزيون والفرحه شكبرها
شغلنا وبدينا نضبط الاريل( الاريل الي يجيب الارسال مثل صحن الدش حاليا)
اني صعدت على السطح حتى اضبط الاريل
جان اشوف سلمان دخل للشارع
قبل الستاره مال السطح
تصير ناصيه يعني اذا اوكف اشوف الشارع
بقيت واكف اريد اشوفه المن جاي
اخواني يصيحون اي هاي هي طلعت الصوره انزل
بقيت واكف واباوع
وصل يم بيت عمي طلع ورقه من جيبه شال الطابوكه
وخلاها جواها
عرفت هاي رساله الرشا يعني بعده مابطل من سوالفه
نزلت ركض طلعت للشارع
ابوي شافني كام لبس عكاله واجا وراي
شلت الطابوكه طلعت الورقه بس فتحته الباب مال بيت عمي انفتحت طلعت رشا لابسه دشداشه ضيكه وفاتحه الشعر والعطر يهف
بس شافتني واكف وافتح بلرساله راسا نشغت وطبكت الباب بسرعه
اني صحت عليه من ورا الباب
خلف….اذا مااكسر راسج وراسه اصبريلي
دكيت الباب حيل
هنا وصل ابوي
ابوي…هاا بويه خير شكو
طلعت ام رشا للباب
ام رشا…هاا خاله شكو ياستار ليش ادك بابنا هيج
خلف…افتحي الباب خل ندخل جوا
ابوي….شبيك اريد افتهم
دخلنا عدهم المصيبه اني مااكدر اصيح لو اغلط لو احجي بصوت عالي
ولو ودي الزم رشا اسحله من شعرها
وأموته كتل على هاي المصيبه
ابوي…شبيك
ام رشا …شصاير
خلف…رشا تمشي وياا سالم
ام رشا…يمه بنيتي شلك بهل السالفه عدها امتحانات وماتطلع من البيت لو جاي تشمر بلاك علينا
خلف…هاج هاي الرساله هسه خلاها بابكم اني شفته
وذاك اليوم شفتهم يمشون ويسولفون ويضحكون
وخليت الجهال تغسله بماي المجاري غسل
وهم ماتاب منه
ليش اموته وادخل السجن من وراها
خل بتج تلزم نفسه شويه هذا الحيوان مايفيده
هذا مصادق كل بنات المنطقه
وجاي يضحك عليه لا شغل ولا عمل ولا مستقبل
ولا لله ياخذه ويريحنا منه
ام رشا…مااسمحلك تحجي على بنتي
ابو خلف…مو كالج شافهم بعينه
ام رشا…بتي ماعدها هاي السوالف
ابو خلف…امشينا بويه اني باجر اكض الباب اريد اشوف
هذا الشيطان شلون يوصل بابنا
خلف طلعنا ورجعنا البيتنا واني اغلي ولله لو انسان زين
فلا اضوج بلعكس اروح واكله تعال اخطبه
بس هو واحد ساقط كل خير مابي
اخلي يلعب بعرضنا اله اموته خلاص
رشا بس طلعنا من ببتهم تحجي بصوت عالي تسمعنا
…همه شنو دخلهم شنو يدخلون بخصوصياتنه
هم شعليهم
ام رشا…انتي صدك تعرفين هذا الولد
رشا…يحبني وراح يجي يتقدملي بس اخلص امتحانات
خلف…اني سمعته تكول هيج واني ودي اطفر الحايط
واسحله سحل
همزين ابوي دخل للبيت وما سمعه تحجي
طبعا سالم مايعرف بلي صار جمانه السعيدي ولا يعرف احنا كشفنا
ورشا عدها عطله تقرأ بيه يعني مراح تطلع من البيت
ثاني يوم حضرت اخوتي حتى نكتله كتله معدله
لان مامبين راح يجي بلعيني واغاتي
اني صعدت على السطح اراقبه يمته يجي
اجا يمشي بليل شارعنا اضلم بليل يمشي ويتلفت